Спорт
Лазаров: Вардар е институција, потребен му е на македoнскиот народ
Кирил Лазаров капитенот на македонската ракометна репрезентација во интервју за хрватскиот портал „24сата“ зборува за почетоците на кариерата, зошто ја носи седумката, времето минато во Загреб, трансферот во Сиудад Реал, Вардар, репрезентацијата на Македонија.
Лазров е еден од најдобрите играчи на сите времиња, прв ја надминал бројката од 1.000 постигнати голови во Лигата на шампионите.
„Најпрвин тренирав кошаркар започнав во петто одделение. Идол ми беше Тони Кукоч, бројот седум го носам поради него. Поради татко ми се префрлив на ракомет. Тој беше врвен играч, на врвот од кариерата играше за Вардар во југословенската лига. Ми беше незгодно, а нему не му беше пријатно тој да е ракометар, а син му да фрла на кош“, вели Лазаров и открива дека никогаш не сакал да го напушти Загреб чии дрес го носел пет години. Во Загреб е родена неговата ќерка Лина.
„Никогаш не сакал да заминам од Загреб. Клубот беше во финансиска криза и решија да ме продадат во Сиудад Реал кај Талант Душебаев. Во Загреб живеев убаво, јас и семејството убаво се чувствувавме, но ја прифатив одлуката на клубот и заминав во Шпанија“.
Лазаров ја коментирал актуелната ситуација во која се наоѓа европскиот првак Вардар.
„Вардар направи многу, дури и повеќе од она што се очекуваше. Најголеми заслуги има Самсонеко, вложи многу и работеше паметно. Доколку се вмеша политиката ќе биде лошо. Но Вардар е институција, се надевам дека ќе биде се во ред. Потребен му е на македонскиот народ и на спортот“.
Комплетното интервју со Лазаров може да го прочитата тука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо стигна во Истанбул, на чекор е oд Партизан
Португалскиот фудбалски стручњак Жозе Мурињо и официјално стана нов тренер на Фенербахче.
Двегодишниот договор Мурињо го потпиша пред неколку десетици навивачи на стадионот на Фенербахче „Шукур Сарачоглу“ во Истанбул.
„Сакам да ви се заблагодарам за љубовта што ја чувствував од првиот момент кога моето име првпат се поврзуваше со Фенербахче. Обично тренерот се сака по победата, но во овој момент чувствувам дека сум сакан уште пред да победам. Тоа е голема одговорност. Од овој момент припаѓам на семејството на Фенербахче“, изјави Мурињо, а пренесува „Скај Спорт“.
🟡🔵 Jose Mourinho, Fenerbahçe taraftarını selamladı! #beINSPORTS pic.twitter.com/adl2fXeCKy
— beIN SPORTS Türkiye (@beINSPORTS_TR) June 2, 2024
Во својата тренерска кариера Мурињо од клупата ги водеше Порто, Челзи, Интер, Реал Мадрид, Манчестер Јунајтед, Тотенхем и Рома.
Како тренер освои две Лиги на шампиони (Порто, Интер), две Лига Европа (Рома, Манчестер Јунајтед) и Конференциска лига (Рома), а освои и трофеи во првенствата на Шпанија (Реал Мадрид), Англија (Челзи), Португалија (Порто) и Италија (Интер).
Со Фенер ќе играат во квалификациите за Лигата на шампионите, а во второто коло ќе играат против српскиот претставник Партизан или швајцарски Лугано.
Спорт
Грците со Адетокумбo во составот во борбата за Париз
Кошаркарската репрезентација на Грција со полни сили ќе настапи на квалификацискиот турнир во Атина за пласман на Олимписките игри.
Главната ѕвезда на репрезентацијата Јанис Адетокумбо го потврди своето учество и ќе му биде на располагање на селекторот за решавачките игри кои можат да им донесат на Грците пласман на Олимписките игри.
Покрај Адетокумбo меѓу Грците ќе бидат и Митоглу, Папаџанис, Папаниколау, Папапетроу, Слукас и многу други.
Грција за виза за Париз ќе се бори со претставниците на Доминиканската Република Словенија, Хрватска и Нов Зеланд.
Спорт
Доминација на Бањаја во Муџело
Франческо Бањаја, актуелниот сбетски првак го комплетираше совршениот викенд на трката за Големата награда на Италија. Пеко вчера победи во спринтот, а попладнево беше најдобар и во главната трка. Извонредниот викенд на Дукати на домашен терен во Муџело го надополни вториот возач Енеа Бастијанини во спектакуларен финиш дојде до втрата позиција.
бањаја ГН на Италија ја започна од петтата позиција, но имаше фантастичен старт и се проби до првата позиција по само три свиоци. Најголемиот ривал на Бањаја, Хорхе Мартин, го следеше во текот на целата трка.
Долго време водеа Бањаја, Мартин и Маркез, а ги следеа Бастианини и Акоста и се чинеше дека трката така ќе заврши. Сепак, спектакл на крајот приреди Енеа Бастианини.
На четири круга до крајот го престигна Маркез, а во последниот свиок успеа да излезе и пред Мартин.
На крајот Бањаја беше прв, а топ 15 ги комплетираа Бастианини (Дукати), Мартин (Прамак), Марк Маркез (Гресини), Акоста (ГасГас), Морбидели (Прамак), Ди Џанантонио (ВР46), Вињалес (Априлија), Алекс Маркез (Гресини), Биндер (КТМ), Алеиш Еспаргаро (Априлија), Фернандез (Трехаус Рејсинг), Бецеки (ВР46), Оливеира (Трехаус Рејсинг), Ринс (Јамаха).