Црна хроника
Запленета марихуана на ГП „Блаце“

Македонските цариници на граничниот премин Блаце во понеделник попладне спречиле обид за нелегално внесување на 5.4 кг марихуана, информираат од Царината.
Дрогата била откриена во такси возило „пасат“, управувано од македонски државјанин. Во возилото патувале двајца македонски државјани со иницијали И.Е. и Е.М, претходно познати на органите за прогон како извршители на кривични дела поврзани со дрога, оружје, насилство, фалсификување исправи, учество во толпа.
Возилото е привремено задржанo на царинскиот терминал Блаце, додека лицата со стоката се предадени на инспектори од Одделението за истраги при Царинската управа.
Од првичните сознанија добиени при распит на двајцата осомничени, стоката на Косово била пренесена од Албанија, а оттаму преку граничниот премин Блаце требала да се транспортира во Македонија.
Според исказите, на критичниот ден, некаде околу 15:00 часот, пријавените по претходен договор со такси возило тргнале од Скопје кон граничниот премин Блаце. Пред самиот премин се симнале од такси возилото и пешки ја поминале македонско-косовската граница. Откако ја поминале и косовската граница се качиле во друго такси возило кое ги однело до паркинг просторот на самиот влез во Урошевац. Таму се сретнале со лице – косовски државјанин од кого ја превзеле „робата“, со намера истата да ја пренесат и предадат во Скопје. На самиот паркинг, пронашле такси возило и се упатиле кон Блаце за да влезат во Македонија.
Марихуаната требале да ја предадат на лице во Скопје, а за услугата пријавените требале да добијат соодветна парична награда.
Вредноста на дрогата, доколку би се продавала на големо се проценува на околу 16.000 евра, но во малопродажба цената би достигнала и до 60.000 евра. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.