Црна хроника
Четворица ранети во грабежот на златарницатa во Дебар

Четири лица се примени во болница по вооружениот грабеж што во вторник околу 13 часот се случи во златарница во центарот на Дебар, потврдија болнички извори за Макфакс.
Меѓу ранетите е и сопственикот на златарата „Џити“, Меџит Еребара. Тој имал три прострелни рани и е пренесен во Скопскиот клинички центар. Според очевидци, Еребара не им дозволил на маскираните разбојнци да го однесат златниот накит, по што врз него било пукано.
Вториот ранет е таксистот А. Цами кој е ранет во ногата, за кој очевидци тврдат дека им го попречил патот на маскираните разбојници.
Две други ранети лица се од Албанија. Тие се здобиле со полесни рани и во моментов се на сослушување во полициската станива во Дебар.
Полицијата трага по маскираните лица по периферните делови на градот и некои села во пограничниот појас кон Албанија./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 30-годишник од Скопско поради тешка кражба, одреден му е притвор

На 14.10.2025 часот во 17:30 часот во трговски центар на подрачје на Карпош во Скопје полициски службеници од СВР Скопје го лишија од слобода 30-годишниот М.А. од село Глумово, скопско поради извршено кривично дело „тешка кражба“ по член 236 од Кривичниот законик на Р.С.Македонија.
Лицето по насока на Јавен обвинител беше задржано во Полициска станица и по комплетирање на доказниот материјал во координација со ОЈО Скопје истиот на 15.10.2025 година е изнесен пред судија на претходна постапка, при што му е одредена мерка притвор.
Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.