Свет
Зариф до Трамп: Иран не почнува војни, но им одржува лекции на оние што почнуваат
Иранскиот министер за надворешни работи, Мохамед Џавад Зариф, го предупреди американскиот претседател, Доналд Трамп, дека Иран никогаш не почнува војна, но им одржува лекција на оние што почнуваат, пренесува „Техран тајмс“.
Зариф го предупреди Трамп да не биде повторно заведен од вообичаените поттикнувачи на војна.
Предупредувањето од Зариф дојде кога Трамп во средата тврдеше на „Твитер“ дека Иран планира подол напад врз американските трупи или објекти во Ирак. Трамп предупреди дека Иран и неговите соработници можеби планираат напад, но вети дека ќе платат висока цена ако го сторат тоа.
„Според информациите и верувањето, Иран или неговите соработници планираат подол напад врз американските трупи и/или средства во Ирак. Ако се случи тоа, Иран навистина ќе плати многу висока цена!“, напиша Трамп.
Како одговор, Зариф рече дека Иран има пријатели, но никој не може да има милиони соработници додавајќи: „За разлика од САД – кои постојано лажат, мамат и убиваат – Иран дејствува само во самоодбрана“.
Претходно, портпаролот на иранското Министерство за надворешни работи, Абас Мусави, изјави дека Техеран смета оти потткнувањето војна од страна на американската војска во Ирак е опасно и потенцијално може да создаде катастрофални услови што ќе го дестабилизираат регионот.
Меѓународната коалиција предводена од САД во моментот ги преместува своите трупи во Ирак за да ги консолидира во подобро заштитени бази. Коалицијата официјално ја пренесе воздушната база К1 од северната ирачка провинција Киркук во Ирачките вооружени сили во неделата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.