Свет
Ортагус: САД и Русија ќе продолжат да си помагаат
САД и Русија ќе продолжат да си даваат помош во време на криза, соопшти портпаролката на Стејт департментот на САД, Морган Ортагус, во соопштението за печатот објавено во средата, пренесува ТАСС.
„Двете држави си даваа хуманитарна помош во време на криза во минатото и без сомнение ќе го сторат тоа повторно во иднина“, рече Ортагус. „Ова е време да работиме заедно за надминување на заедничкиот непријател кој им се заканува на животите на сите нас.“
„САД се посветени на глобалната борба против Ковид-19“, истакна таа.
„Земјите од Г20 се согласија минатата недела да работат заедно за да го поразиме коронавирусот и ние тесно соработуваме со овие земји и со другите за да се осигуриме дека критично потребните резерви ќе стигнат до оние што имаат потреба од нив“.
Ортагус посочи дека по телефонскиот повик на 30 март меѓу претседателот Трамп и претседателот Путин, САД се согласиле да набават потребни медицински материјали, кои ѝ беа предадени на ФЕМА (Федералната агенција за управување со вонредни состојби) на 1 април во Њујорк.
Според најновите извештаи, повеќе од 213.000 случаи на коронавирус биле потврдени во САД, а повеќе од 4.700 луѓе починале од болести и компликации поврзани со коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.