Македонија
(Видео) Донација од Словенија во вредност од 110 илјади евра во заштитна опрема за македонските полицајци
Министерот за внатрешни работи, Наќе Чулев, денеска, на Меѓународниот аеродром „Скопје“ ја прими донацијата од владата на Република Словенија за МВР, која се состои од 100 илјади маски и 100 илјади ракавици во вкупна вредност од 110 илјади евра.
,,Имајќи го предвид моментот во кој доаѓа, помошта е од исклучително значење за нас. Во оваа пригода сакам, пред сè, во мое и во името на Министерството за внатрешни работи да им се заблагодарам на словенечкиот премиер, Јанез Јанша, и нашите пријатели од Словенија. Секоја донација и секоја помош се исклучително важни и значајни за Министерството за внатрешни работи и таа ќе ги зајакне и поддржи нашите секојдневни напори за заштита на полициските службеници, кои во рамките на своите работни обврски и задачи деноноќно се изложени на ризик од зараза со коронавирусот“, истакна министерот Чулев.
„Чест ми е што сме прва земја членка на Европската Унија и НАТО што дава билатерална донација за полициските службеници и задоволството од овој факт е навистина големо“, истакна амбасадорот на Република Словенија, Милан Јазбец.
Министерството за внатрешни работи останува посветено во процесот, првенствено за соодветна контрола на спроведување на мерките и одлуките што се донесени од страна на Владата, а потоа и во обезбедување соодветна заштитна опрема за своите вработени сè со цел соодветна превенција од пандемијата со која се соочуваме, додаде Чулев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.