Црна хроника
Банална причина за крвавиот инцидент во „Ѓорче Петров“
Банална била причината за крвавиот инцидент што утрово се случи на пазарчето во скопската населба „Ѓорче Петров“. Потешко ранети се тројца браќа, а не како што претходно соопшти МВР, таткото и синот.
Според информациите од МВР, дваесет идвегодишниот А.Д, сакал да ја прескокне оградата од пазарчето, а лице од обезбедувањето на пазарот му рекло да не прескокнува преку оградата.
И таткото и синот му викале да не ја прескокнува оградата и почнале да се расправаат и да се тепаат. Обезбедувањето ги разделило, но потоа дошле двајцата браќа на А.Д кои ги нападнале таткото и синот. Момчето го удирале со тупаници и клоци по телото.
Таткото и синот извадиле ножеви и ги избоделе браќата. Дваесет идвегодишниот А.Д. го прободеле трипати и со брза помош бил веднаш однесен во градската болница „8-ми Септември“, додека неговиот брат со пет убодни рани на телото бил пренесен на Клиничкиот центар.
Двајцата се во критична состојба, додека третиот брат со полесни повреди бил пренесен во Градската болница „8-ми Септември“ и во текот на денот ќе биде пуштен на домашно лекување.
И таткото побарал лекарска помош во градската болница, но бил со полесни повреди.
Направен е увид на лице место и по расчистувањето на случајот ќе биде поднесена соодветна кривична пријава./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.