Црна хроника
Пехчевци превезувале дрва за огрев без документација
Шумската полиција пресретна де возила со вкупно 27 кубици дрва за огрев, како се превезуваат во беровско без соодветна документација, соопшти МВР.
Во петокот околу 19.40 часот, на магистралниот пат Берово-Виница во близина на село Митрашинци, полицијата од Штип заедно со службени лица од Државниот инспекторат за шумарство, како и од Шумската полиција од Берово откри превоз на огревни дрва без соодветна документација.
Притоа, откриени се два камиони марка „Ивеко“ сопственост на правниот субјект „Мато Пех“-ДООЕЛ-од Пехчево кое било натоварено со 14 м3 дабово огревно дрво, и „Мерцедес“ сопственост на правниот субјект „Кика-Дрво“ ДООЕЛ-Русиново, натоварено со 13 м3 дабово огревно дрво.
Двата камиони се спроведени до плацот на ЈП „Македонски шуми“ во подрачната шумска служба „Малешево“- Берово каде од превозниците привремено се одземени возилата, заедно со натоварената дрвна маса, како и документацијата која е поврзана со случајот.
Во врска со тоа извршен е разговор со Д.П.(30) од Пехчево, вработен во ЈП „Македонски Шуми“ -ПШС-„Равна Река“ кој во време на забрана на движење во шума, дозволил дрвната маса да биде обработена и транспортирана на поголема оддалеченост од местото на сеча до местото на настанот.
Во тек се мерки и активности за расчистување на случајот по што ќе следи соодветен поднесок./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Црна хроника
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.