Спорт
Газидис одговара на критиките: Милан не е само компанија
Генералниот директор на Милан, Иван Газидис имаше видео-обраќање во кое ја потсети јавноста дека фудбалските клубови не се само компании, туку имаат и одговорна улога во општеството.
Газидис ја презема контролата на водењето на „росонерите“ по заминувањето на директорот Звонимир Бобан поради јавните критики кои ги направи кон него, и маргинализирањето на Паоло Малдини, кој во овој период се бори и со корона вирусот.
„Најголемиот приоритет на нашиот клуб е едноставен – здравјето и безбедноста на нашите фудбалери, вработени, фанови и целата заедница. Имаме обврска да мислиме на иднината на нашиот голем клуб, да осигураме да се надмине оваа криза на силен начин и ќе го направиме тоа со силн итемели. Фудбалот е извор на радост и ние ќе ја одиграме нашата улога кога ќе го надминеме овој период. Клубовите не се само компании, имаат своја улога во заедницата и претставуваат вредности без кои фудбалот би бил ништо. Сакаме да чувствувате дека Милан е покрај вас, да ве направиме горди“, вели Газидис во обраќањето на италијански јазик.
Ломбардија е центарот на епидемијата во Италија, а изјавата доаѓа по контроверзите во Англија каде што неколку богати премиерлигаши решија да ги постават своите вработени на минимална плата која ќе ја обезбедува владата. Газдите на Милан, семејството Сингер, донираше 100.000 долари на болницата „Сан Рафаеле“ во Милано, а клубот се обидува да помогне со добротворни акции организирани преку Златан Ибрахимовиќ.
Il messaggio di Ivan Gazidis ai rossoneri ?
Il Club non si ferma e fa della distanza una forza per essere più vicino a chi lotta contro il Covid-19 e a tutti i nostri tifosi ➡ https://t.co/3qXVw5ajaa#SempreMilan pic.twitter.com/cXDWsDghAk— AC Milan (@acmilan) April 5, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.