Македонија
Онлајн дискусија „Глобалните закани, ризици, предизвици, можности и членството во НАТО“
По повод 4 Април, Денот на НАТО и македонското полноправно зачленување во НАТО, Факултетот за безбедност – Скопје и Американскиот центар за образование денеска, понеделник, организираат онлајн дискусија на тема „Глобалните закани, ризици, предизвици, можности и членството во НАТО“.
Говорници на онлајн дискусијата се претседателот Стево Пендаровски, претседателот на Владата – Оливер Спасовски, полковник Зоран Јанковиќ – шеф на Канцеларијата за врски на НАТО, проф. д-р Марјан Ѓуровски – проректор на Универзитетот „Св.Климент Охридски“ и професор на Факултетот за безбедност-Скопје, проф. д-р Ризван Сулејмани – проректор на Универзитетот „Мајка Тереза“ – Скопје и проф. д-р Никола Дујовски – декан на Факултетот за безбедност Скопје.
Во онлајн дискусијата акцентoт ќе биде ставен на расположливите механизми на НАТО во услови на криза и вонредна состојба со кои денес се справуваме и кои од нив ние можеме да ги искористиме како полноправна членка во справувањето со актуелната криза на пандемијата со коронавирусот (транспорт, достава на медицински материјал, маски и сл), информира проректорот Марјан Ѓуровски, иницијатор на дискусијата. Меѓудругото, се очекува да стане збор за напорите што ги имаме направено, фокусирајќи се на потребата од нови трансформации во иднина со цел да се одговори на новите ризици и закани по безбедноста, заклучува Ѓуровски.
Целта на оваа онлајн дебатата е да се манифестираат активности и можности за делување на Факултетите и во овие специфични услови со цел да собере преку електронска комуникација на едно место студенти, претставници на академската заедница, претставниците на владиниот и граѓанскиот сектор, истражувачи, тинк-тенк организации со цел да ги споделат идеите и погледите во насока што е многу значајна за развојот на нашата држава по членство во НАТО и искористување на механизмите за поддршка во вонредната состојба. Преку активноста ќе се мотивираат и самите студенти за активности и следење на дискусиите на онлајн настанот во овие специфични услови, информира проректорот Ѓуровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатен летен спортско едукативен камп за ученици од Кисела Вода
Бесплатен летен спортско едукативен камп за спортските таленти од основните училишта и учениците од социјално ранливите семејства, обезбеди Општина Кисела Вода. Оваа иницијатива, која е плод на посветеноста за промовирање на спортот и здравиот начин на живот, ги промовира и еднаквите можности за учество и развој на сите деца без разлика на нивната финансиска состојба.
На јавниот повик кој е достапен на општинската веб страница https://opstinakiselavoda.gov.mk/wp-content/uploads/2024/05/oglas5.pdf , можат да аплицираат децата кои постигнале резултати во олимписки и неолимписки спортови, во поединечна и екипна конуренција, согласно класификацијата на Агенцијата за млади и спорт.
За спортските таленти, Комисијата ќе ги вреднува постигнатите прво, второ и трето место.
Kандидатите задолжително треба да ги достават, дипломите и признанијата за освоени места или учество на официјални државни, меѓународни и регионални натпревари, како и дипломите и признанијата за освоено место или учество на пријателски натпревари во сите категории. Основците пак, кои припаѓаат на социјално ранлива категорија согласно Закон за социјална заштита, за истото треба да достават соодветна документација како доказ за исполнетост на условите. На повикот можат да се пријават и ученици од семејства со еден вработен, примател на минимална плата, како и ученици од семејства чиј вкупен приход не надминува 35.000,00 денари месечно.
-Овој бесплатен седумдневен камп на брегот на Охридското Езеро ќе биде повеќе од обично дружење. Тој претставува можност за нашите ученици да се социјализираат, да создадат нови пријателства и да ги развиваат своите спортски таленти. Верувам дека преку вакви активности, децата ќе можат да ги зајакнат своите спортски вештини, но и да научат важни животни лекции за тимска работа, дисциплина и посветеност. Нашата поддршка за младите спортисти не завршува тука. Оваа иницијатива е само дел од нашата континуирана стратегија за поттикнување на спортските активности и здравиот начин на живот кај младите. Овие спортски кампови се стимул за спортистите да продолжат да се натпреваруваат и да ги постигнуваат своите цели, но исто така претставуваат и обид да се избегне маргинализацијата на децата од социјално загрозените семејства. Сите деца, без разлика на нивната социјална позадина, треба да имаат еднаква шанса за успех и развој. Од тука, ги поттикнувам сите кои се опфатени со зададените критериуми да аплицираат на јавниот повик. Од своја страна, како градоначалник, можам да кажам дека Општина Кисела Вода ќе продолжи да инвестира во вакви проекти, кои го поддржуваат личниот и спортскиот развој на талентираните и водат кон избегнување на маргинализацијата на децата од социјално загрозените семејства-изјави градоначалникот Орце Ѓорѓиевски,
Барањата и изјавите со потребната документација треба да се доставуваат до 05 јуни, по пошта на адреса Општина Кисела Вода ул. “Петар Дeљан” бр.17, или во архивата на општината со назнака – “За избор на ученици од општинските основни училишта од Општина Кисела Вода кои ќе посетуваат бесплатен летен спортско едукативен камп” – Комисија за спроведување на постапката за избор на ученици од општинските основни училишта од Општина Кисела Вода кои ќе посетуваат бесплатен летен спортско едукативен камп.
Македонија
Сиљановска Давкова со францускиот амбасадор Бомгартнер: изразена надеж дека историските прашања, стари и по сто години, нема да го преземат приматот на реформите
Претседателката Гордана Сиљановска Давкова денеска го прими амбасадорот на Француската Република, Сирил Бомгартнер.
На средбата беа разменети мислења за севкупните билатерални односи меѓу двете држави, што се карактеризираат со традиционално пријателство, отворен и конструктивен дијалог и континуирано унапредување на соработката во мноштво сфери од заемен интерес.
На средбата се разговараше за македонските аспирации за членство во Европската Унија, како стратешки приоритет на државата. Во тој контекст Сиљановска Давкова истакна дека поддршката од страна на нашите пријатели и партнери во ЕУ, вклучувајќи ја и Франција, за нас е високо ценета и значајна.
Сиљановска Давкова изрази очекување за продолжување на пристапниот процес во ЕУ, преку враќање на вербата во мериторниот процес на интеграција, со фокус на исполнување на копенхагенските критериуми.
Сиљановска Давкова изрази надеж дека историските прашања, стари и по сто години, нема да го преземат приматот на реформите кои се главен национален приоритет и воедно изрази очекување за подлабока соработка со Француската петта република за примена на француските искуства во развојот на демократијата.
Во контекст на владеење на правото како прв и најважен критериум од Копенхаген, таа ги посочи актуелните внатрешни предизвици врзани за нарушениот уставен принцип на поделба на власта без која нема парламентарна демократија.
Македонија
(Видео) Спасовски: СДСМ ќе ги почека законските предлози за реорганизација на министерства, ќе ги разгледа, па ќе донесе одлука дали ќе ги поддржи
Коориднаторот на пратеничката група на СДСМ, Оливер Спасовски, денеска во одговор на новинарски прашања во македонското Собрание информираше за заклучоците од координацијата на пратеничката група и кај претседателот на Собранието, на којашто главно, се дискутираше за конституирањето на комисиите, работните тела во законодавниот дом, делгациите и групите за соработка.
Во однос на Законите кои што се најавуваат за реорганизација на министерства или реформа на администрацијата, Спасовски соопшти дека СДСМ не може да соопшти став на невидено и затоа пред да одлучи ќе ги почека законските решенија, ќе ги разгледа внимателно законските текстови, по што ќе донесе одлука дали ќе ги поддржи.