Спорт
Семенја го „смачка“ рекордот на Роналдо и му порача: Ѕверот барем се обиде! (видео)
Олимписката и светска шампионка на 800 метри, Кастер Семенја лесно го „помина“ предизвикот на Кристијано Роналдо и му порача дека „добро е што барем се обиде“, уште еднаш покажувајќи ја својата одлична физичка подготвеност.
Вчера, ѕвездата на Јувентус, Роналдо во соработка со спонзорот „Најк“ направи „предизвик“ за своите ривали, правејќи 142 стомачни вежби за само 45 секунди и поканувајќи ги сите да се обидат да го срушат ова. Јужноафриканката Семенја, во ист временски период направи дури 176 вакви вежби во кои целта е да се допрат прстите на нозете додека лежиш на грб!
„Благодарам на Кристијано за предизвикот, ѕверот барем се обиде, но јас направив 176 во 45 секунди“, напиша Семенја на Инстаграм.
И други спортски ѕвезди се обидоа да го срушат рекордот, вклучувајќи ја португалската двојка на Манчестер јунајтед, Бруно Фернандеш и Диого Далот, но не успеаја – Фернандеш стигна до 117, а Далот до 105.
Семенја последната година беше на насловните страници поради неубави работи – откако мораше да се бори пред Судот за арбитража во спортот (ЦАС), за ИААФ да и дозволи да се натпреварува без пречки. Јужноафриканката има природно високо ниво на тестостерон во своето тело, и ИААФ сметаше дека тоа и дава нефер предност пред другите атлетичарки, барајќи таа да зема средства за намалување на нивото на тестостерон пред трките.
Можете ли подобро од Роналдо – 142 обиди за 45 секунди (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.