Спорт
На Нејмар ќе му биде скратена платата за речиси 1.5 милиони евра месечно!
Скапо платените фудбалски ѕвезди на Пари Сен-Жермен ги очекува кратење на платите од фантастични 50 отсто, со што Нејмар на пример ги загубил 340.000 евра неделно!
Француската лига и клубовите во неа живеат со тешките економски последици по паузирањето на шампионатот, а ТВ-мрежите „Канал плус“ и „БеИн спортс“ одбиваат да ги исплатат парите за април бидејќи е сигурно дека нема да фудбал во април.
Според „ЕСПН“, Францускиот синдикат на фудбалери (УНФП) во соработка со Министерството за финансии донело одлука за привремено намалување на платите на професионалните фудбалери. Со оваа мерка, фудбалерите кои заработуваат помеѓу 10 и 20 илјади евра би добиле 20 отсто намалување на платата, тие од 20 до 50 илјади евра 30 отсто помала плата, но тие кои земаат над 100.000 евра месечно би добиле 50 отсто помала плата.
Пари Сен-Жермен е во сопственост на супер-богатата компанија Катар спортс инвестментс (КСИ), и нивните фудбалери се убедливо најплатените во Франција – според „Л’Екип“, Нејмар заработува неполни 3 милиони евра месечно во француската престолнина, или 680.000 евра неделно. Неговиот соиграч, 21-годишниот Килијан Мбапе е најблизок со 425.000 евра неделна плата, а во топ 11 најдоброплатените фудбалери во Франција сите се членови на ПСЖ.
Единсон Кавани, Маркињос, Тијаго Силва, Марко Верати, Анхел ди Марија и Кејлор Навас заработуваат милион евра месечно, додека потоа следува Висам Бен Једер, кој добива 360.000 евр месечно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Без победник во Минхен, Реал е поблиску до големото финале
Баерн Минхен и Реал Мадрид одиграа 2:2, во првиот полуфинален натпревар во Лигата на шампионите. На „Алијанц арена“ во Минхен, Реал се спаси од пораз во 84.минута, кога Винисиус Жуниор од пенал го изедначи резултатот. Претходно, Бразилецот погоди за Реал во 24.минута, а Баерн во вториот дел, во само четири минути со головите на Сане и Кејн од пенал, направи пресврт.
Натпреварот на „Алијанц Арена“ беше извонреден, онака како што двете екипи сезонава играат во Лигата на шампионите.
На крајот заврши без победник, што пред реваншот на „Сантијаго Бернабеу“ му носи поголема предност на „кралскиот клуб“.
Сепак, Баерн покажа дека не е за отпишување и ќе има што да каже за осум дена во шпанската престолнина.
Спорт
Ферари демне: Наскоро ќе биде официјално – Њуи си заминува од Ред Бул
Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори.
Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами.
Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер.
Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка.
Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo.
Њуи учествуваше во освојувањето на седум титули за возачи и шест конструктори за Ред Бул.
Во генералниот пласман сега води Верстапен со 110 бодови, а зад него е соиграчот Перез со 85.
Овогодинешниот шампионат во Формула 1 продолжува со Големата награда на Мајами од 3 до 5 мај.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.