Спорт
Вијали за животот со рак: Не е битка, туку патешествие
![](https://makfax.com.mk/wp-content/uploads/2020/04/Gianluca-Vialli.jpg)
Легендата на Сампдорија, Јувентус и Челси, Џанлука Вијали вели дека неговата борба со ракот не ја сфаќа како битка, туку како патешествие кое помогнало да стане тоа што треба, но предупредува дека корона вирусот ќе има огромно емоционално, морално и економско влијание на Италија.
Во интервју за весникот за „Ла република“, поранешниот напаѓач признава дека е почувствителен на корона вирусот поради неговиот рак со кој се бори веќе две години.
„Сега сум добро. Во декември завршив 17 месеци хемотерапија, еден циклус од осум и еден циклус од девет месеци. Беше тешко, дури и за некој кој е цврс како јас, физички и ментално. Тестовите покажаа дека болеста не е вратена. Среќен сум, тоа што го вратив здравјето значеше дека повторно можам да се погледнам во огледало, дека не морам да си цртам веѓи. Помислувам на тие кои ги носат во болница да умрат сами, без своите најблиски поради заразата. Тоа е страшно и ќе остави големи лузни на земјата, емоционални, морални и економски“, вели Вијали.
Тој додава дека сочувствува за тие кои се борат со КОВИД-19 и за здравствените работници, бидејќи и самиот знае какво е искуството.
„Во мојот случај, не се работеше за битка, туку за патешествие, за можност за погледнување навнатре. Ќе го поминев тоа и без болеста, но тоа се случи и морав да ги искористам. Ми помогна да бидам тоа што сум. Се бориш со стравот од смртта со твоите желби и твојата љубов. Ќе биде прекрасно кога спортот и фудбалот ќе се вратат, бидејќи емоциите ќе ни го вратат животот. Се надевам дека ќе имаме подобра иднина“, додава Вијали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Време е за враќање на врвот на Европскиот фудбал
![](https://makfax.com.mk/wp-content/uploads/2024/07/van.jpg)
Таленти нема да недостигаат ниту на двата краја на теренот, но на прв поглед се издвојува искуството и квалитетот на холандската одбрана.
Заедно со вечниот командант и капитен на Ливерпул, Вирџил ван Дијк, тука се и Нејтан Аке од моќниот Манчестер Сити, подзаборавениот Дејли Блинд, де Лигт од Барса, тандемот на Интер Стефан де Фрај и Дензел Дамфрис и германскиот шампион со Леверкузен Џереми Фримпонг…
Во отсуство на двајца важни играчи во средниот ред, играчот на Лајпциг Чави Симонс ќе има можност да блесне во портокаловиот дрес.
Иако во доцните играчки години се пресели во Саудиска Арабија, ниту Жоргињо Вајналдум не беше заборавен.
Задача да ги тресат мрежите ќе имаат Стивен Бергвајн, Доњел Мулен, Вут Вегхорст, Коди Гакпо од Ливерпул и вториот најдобар стрелец во историјата на холандската репрезентација Мемфис Депај.
Спорт
Битка за последните две места
![](https://makfax.com.mk/wp-content/uploads/2024/07/arena.jpg)
Холандија има постигнато два или повеќе гола на пет од последните седум натпревари на ЕП.
Сепак, откако го освоија мундијалот во 1988 година, тие победија само на два од нивните осум натпревари во нокаут-фазата.
Стоперот на Романија Раду Драгушин изјави дека тимот покажал сила кога малкумина верувале во нив.
„Најдоброто чувство е кога луѓето не веруваат во тебе, а ги изненадуваш со својата сила и амбиција. Сите не гледаа како последни во групата и затоа ми е особено драго што успеавме да дојдеме до добар резултат “, изјави Драгушин.
Повторно, Куман се одлучи за Депај на позицијата лажна деветка.
Напаѓачот на Атлетико Мадрид ќе има можност да ја намали разликата во однос на Робин Ван Перси, кој е најдобриот голгетер на холандската репрезентација во историјата со 50 голови.
Депај досега постигна 46
На германскиот судија ќе му помагаат сонародниците Стефан Луп и Марко Ахмилер.
Четврти судија ќе биде Данијел Сиберт.
Спорт
Шесто издание на највисоката трка во Македонија, државното првенство во скај-трчање – „Титов Врв скајрејс“
![](https://makfax.com.mk/wp-content/uploads/2024/07/DSC_5535-2.jpg)
На 7.7.2024 се одржува шестото издание на највисоката трка во Македонија, државното првенство во скај-трчање – „Титов Врв акајрејс“.
Шеста година по ред како планинарскиот клуб „Македон“ од Скопје со многу ентузијазам енергија и мотивација ја организара можеби најтешката трка во Македонија.
„Следејќи ги светските трендови и експанзијата на овој вид трки како земја што го зазема високото 7. место во светот во однос на територија/планини, едноставно не смееме да заостануваме во организација на овие настани од причина што имаме преубави планини и што е поважно и сѐ поголем број момци и девојки што сакаат да се предизвикаат себеси за што побрзо совладување на планинските височини и врвови истовремено уживајќи во прекрасните планински пејзажи“, велат од ПК „Македон“.
„Титов врв скајрејс“, освен во Македонија, е и највисока трка во ексју-земјите, како и една од највисоките трки и на Балканот. Од ПК „Македон“ посочуват дека оваа година трката е официјално лиценцирана од страна на меѓународната федерација за скај-трчање и го носи ISF-сертификатот, со што „Титов врв скајрејс“ е на мапата на светската скајранинг-федерација како трка достапна за сите во светот што посетуваат и се натпреваруваат на овие трки.
„Следствено, сите учесници се бодираат и рангираат по меѓународната стандардизирана скала. Сето ова придонесе оваа година трката да достигне повеќе од 100 пријавени натпреварувачи од нашата држава, регионот и пошироко. Како и претходните години, така и сега од оваа трка се формира и репрезентацијата на Македонија, која оваа година цели кон настап шеста година по ред на светското првенство, кое во септември ќе се одржи во Шпанија. Терминот sky, или по наше – небеско трчање, го доловува карактерот на овој тип екстремен спортски натпревар. Освен тоа што дистанцата изнесува 20 километри, се совладуваат речиси 2.000 метри вертикална висинска разлика во качување и спуштање и притоа самата стартна точка, Попова Шапка, се наоѓа на 1.700 метри надморска височина. Тоа значи дека повеќе од 60 проценти и од рутата се наоѓа над 2.000 метри висина“, велат од ПК „Македон“ и додаваат:
„За споредба, за оние што немале можност да го посетат ски-центарот, највисоката точка на нашето локално Водно изнесува 1.000 метри надморска височина. Настрана од цифрите што ја опишуваат рутата, самиот терен е еден од главните предизвици за тркачите“.
Движењето почнува по самите ски-патеки и продолжува по немилосрден и изложен срт. Стрмните падини се карактеризираат со технички каменест терен. Имајќи го сето ова предвид, безбедното завршување на трката е голем успех само по себе.
На десеттиот километар учесниците го совладуваат Титов Врв, највисока точка на трката и највисок врв на Шар Планина. Покрај Титов Врв, тркачите ги качуваат придружно и Син Врв – 2.550 мнв, Карабунар – 2.600 мнв и Бакардан – 2.704 мнв.
„’Титов врв скајрејс’ се одржува во рамките на нашиот најмлад национален парк Шар Планина, со што трката е еден од неговите најголеми промотори и одлична можност за вметнување на Попова Шапка и Шар Планина на европската туристичка планинарска мапа. Па, така, ‘Титов врв скајрејс’ е повеќе од спортски натпревар, трката е отворена покана за сите поддржувачи на спортот и љубители на природата да го посетат и уживаат природното богатство. Од година на година бројот на посетители расте, и тоа не само тркачи, туку нивната поддршка, бројот на волонтери, планинари и случајни минувачи. Можностите и убавините што ги нуди Шара се неизмерни и неизмерно неискористени и надежно оваа трка ќе послужи како еден вид мегафон за ова“, истакнуваат од ПК „Македон“.
Настанот го организира планинарскиот клуб од Скопје, „Македон“, со поддршка од Федерацијата за планинарски спортови.
„На голема жалост и мало изненадување, поддршката што ја даваат државните институции за овој настан е главно во форма на штама. Во споредба со трките од ваков калибар, не само на Западот туку и во блискиот регион, кои се поддржани од разноразни фирми, брендови и државни органи, ‘Титов врв скајрејс’ живее главно од ентузијазмот на членовите на клубот ‘Македон’ и самите пријавени спортисти. Оваа разлика, иако можеби звучи поразително, е доказ за упорноста и потенцијалот не само на клубот, туку и на спортот. Од финансиските средства, логистиката, па сѐ до обележувањето на рутата и поддршката на помошните станици и на самата рута, целиот вложен труд е од волонтерски карактер“, изјавија од „Македон“.
Скај-тркањето кај нас сѐ уште е во својот изгрев. Бројката од стотина пријавени оваа година говори гласно за брзината со која спортот зема замав и се популаризира.
„Без разлика дали имате планинарско искуство или каков било спортски ентузијазам, без разлика дали сте љубител на планините или не, доколку сте барем малку љубопитни и сакате да си поминете викенд на ладовина, далеку од бетонските жештини и во незаборавна атмосфера, сметајте го ова за покана. Бидете дел од вревата на финишот и којзнае, можеби еден ден и вие ќе стоите зад стартната линија одбројувајќи од 10 наназад“, завршуваат од ПК „Македон“.