Свет
САД: Без плата остануваат 43.000 работници од компанијата „Волт дизни“
Компанијата „Волт дизни“ планира од идната недела да престане да ги исплаќа платите за 43.000 работници кои не доаѓаат на работа поради затворањето поради ширењето на коронавирусот, но ќе им дозволи за да ги задржат бенефициите до една година.
Работниците ќе можат да ги задржат бенефициите, здравствeното, стоматолошко и животно осигурување се додека трае забраната за движење или најдолго до една година.
Оние работници кои се враќаат на работа од 19 април, околу 200 од нив, ќе бидат распределени според годините на работен стаж и претходните позиции на работните места кои се потребни за одржување на паркот и ќе бидат платени за тоа, се вели во соопштението на Советот за трговски услуги.
„Синдикалниот договор обезбедува посилна заштита и придобивки за 43.000 синдикални работници во Дизни за разлика од секој друг работник во САД кој е без работа“, наведува Унијата.
Во тематските паркови на Дизни работат 77.000 луѓе, а тоа е компанијата со најмногу вработени во САД. До 19 април на сите работници кои се дома, ќе им бидат исплатени плати, по што оваа одлука ќе биде поништена, бидејќи не се знае точно кога повторно ќе започнат со работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.
Свет
Имран Кан обвинет за убиство на полицаец за време на насилните протести на неговите приврзаници
Пакистанската полиција го обвини затворениот поранешен премиер на земјата Имран Кан за обид за убиство поради смртта на полицаец за време на насилните протести на неговите приврзаници минатиот викенд, соопштија денеска официјални лица.
Официјални лица рекоа дека Кан, кој е во затвор од 2023 година, е обвинет за поттикнување луѓе на насилство.
Полицијата соопшти дека Кан, кој ги повикал своите следбеници да се соберат во негово име и да побараат негово ослободување од затвор, наводно ги поттикнал своите поддржувачи, што довело до убиство на полицаец, пренесе АП.