Македонија
Во државава од коронавирус заболени се 121 здравствен работник
Во нашата земја 121 здравствен работник се заболени од коронавирус, според податоците на Институтот за јавно здравје (ИЈЗ).
Според последните информации, вкупниот број заболени достигна 854 случаи. Според местотото на живеење, случаи се регистрирани во 19 града во државата, повеќето од нив во Скопје и Куманово, а највисока смртност во Струга и Тетово.
Меѓу заболените 399 се машки, а 455 женски лица. Возраста на заболените се движи од 0 до 91 години. Најголем број заболени се на возраст од 50 до 59 години – 184.
Од пријавените случаи, 23,2 отсто се или биле хоспитализирани во текот на болеста, а другите случаи биле или се на домашно лекување и во домашна изолација, асимптоматски или со полесна клиничка слика.
Во однос на симптомите што се пријавени кај заболените лица, најчесто се регистрирани температура (63,9 отсто), кашлица (57,8 отсто), слабост (34,2 отсто), треска (18,9 отсто) болка во грлото (15,3 отсто), отежнато дишење (15,0 отсто) и главоболка (12,3 отсто).
Кај 261 или 30,6 отсто од дијагностицираните лица не се регистрирани симптоми на заболувањето.
Во однос на коморбидитети, кај 242 лица присутни се хронична/и здравствени состојби, од кои 161 лице имаат кардиоваскуларна болест, 50 лица се со хронична белодробна болест, 50 со дијабетес, 15 со хронична бубрежна болест и 37 со други хронични болести.
Од хоспитализираните случаи, кај 100 се присутни коморбидитети.
Според исходот од заболувањето, кај 753 лица се активни случаи, 44 случаи се водат ако оздравени, испишани од болница или се со два негативни теста по домашното лекување.
Регистрирани се 38 смртни случаи. Повеќето се на возраст над 60 години. Од починатите, кај 29 (76,4 отсто) се регистрирани коморбидитети.
Од вкупниот број случаи, 85 се импортирани, од нив едно лице е детектирано на точка на влез (Меѓународен аеродром „Скопје“). Вкупно 505 лица имале контакт со веќе потврден случај на Ковид-19 во државата.
Од 15 февруари тестирани се вкупно 8.552 материјали.Со ова во Северна Македонија се направени 4.133 теста на 1.000.000 жители.
Од позитивните случаи, регистрирани се 1.830 контакти, кои се следат или беа следени во период од 14 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Арсовска: Знаат да склучат договор за рентање луксузни коли за да се вози Талат, а не знаат да си ја искосат тревата во сопствениот двор
„ВД Премиерот Талат од Форино дал насоки за нов напад од некаков си секретар на Владата, кој подеднакво не знае што му е работата“, напиша градоначалничката на Град Скопје, Данела Арсовска на социјалните мрежи.
„Знаат пред некој ден да склучат договор од 2,2 милиони евра за рентање луксузни коли за да се вози Талат, а не знаат да си ја искосат тревата во сопствениот двор.
Еве да ги потсетиме на договорот што го склучиле за одржување и косење на дворот во Влада и тоа за 330 илјади евра!“, додаде Арсовска.
Техничкиот премиер Талат Џафери, по отчетот за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје.
Скопје
После 30 години целосно е реконструирана улицата ,,Марко Орешковиќ” со краците
После 30 години целосно е реконструирана улицата „Марко Орешковиќ” со нејзините краци. Обновата на оваа сообраќајница која имаше видливи оштетувања беше големо барање од жителите од овој дел на општината кои се жалеа на лошите сообраќајни услови и за возилата и за пешаците и претставува целосно исполнување на ветувањето што им го даде градоначалникот на општина Кисела Вода, Орце Ѓорѓиевски, известува општина Кисела Вода.
„Обновата низ целата Кисела Вода која досега опфати преку 50 км улици и патишта не запира. Улицата „Марко Орешковиќ“ која сега е комплетно реконструирана, во минатото беше сообраќајница која имаше големи оштетувања кои го отежнуваа движењето и за пешаците и за возилата, но и покрај тоа, не била реконструирана над три децении. Зафатот се одвиваше на потегот од улицата „Мариовска“, опфаќајќи ја улицата „Марко Орешковиќ“ и нејзините краци.
Улицата добива и паркинг простор за уште поголемо олеснување на сообраќајот. Во овој дел од општината живеат околу 800 лица кои до поранешните раководства на Општината, цели три децении упатувале барања за реконструктивни активности, но за жал, досега не наишле на позитивен одговор. Тоа денес е минато. Она што од мене им беше ветено, денес е реализирано во целост! И овде не застануваме. Продолжуваме со градежните активности низ сите населби и населени места за да бидеме уште еден чекор до целта – до крајот на мојот мандат, а и многу порано од тоа, Кисела Вода да нема неасфалтирана улица! Мојот народ заслужува“, истакна градоначалникот Орце Ѓорѓиевски.
Македонија
ЈП Паркови и зеленило: Немаме склучено договор со Владата за одржување на дворот на објектот
ЈП Паркови и зеленило преку писмено соопштение се огласи во врска со прашањето дали имаат склучено договор со Владата за одржување на дворот на објектот на Владата.
„Таков договор со Владата нашето претпријатие нема склучено. ЈП Паркови и зеленило е надлежно за одржување на зеленилото во парковите, булеварите, собирните и магистрални улици кои се под надлежност на Град Скопје, како и Парк шумите Водно, Гази баба, СРЦ Сарај и Матка.
Останатото зеленило во населбите и помеѓу блоковите е под надлежност на општините, додека пак дворовите во сите институцции се обврска за одржување на самата институција (било да се работи за болница, поликлиника, државна агенција, министерство, па и Влада). Во сите овие институции има општи служби кои треба да се грижат за овие прашања, или треба да склучат договор со ЈП Паркови и зеленило за уредување или одржување на нивните дворови, по кој договор ние понатаму би постапувале. Во случајов таков договор со Владата претпријатието нема склучено“, се наведува во соопштението на ЈП Паркови и зеленило.
ЈП Паркови и зеленило испратија јавно достапен документ за тоа кој треба да го одржува дворот на Владата.