Регион
Црна Гора не очекува сериозни инциденти на границата со Косово
Црногорскиот претседател Филип Вујановиќ изјави во неделата во Колашин дека Црна Гора не сака ниту еден сантиметар нечија територија, но дека ќе ја чува својата, како и оти не очекува сериозни инциденти на границата со Косово пред планираното ратификување на договорот за разграничувањето меѓу двете земји во Приштина на 1-ви септември, а на црногорските граѓани им ја гарантираше безбедноста.
Договорот за државната граница меѓу Црна Гора и Косово е потпишан на 26-ти август минатата 2015 година во австриската престолнина Виена по тригодишните преговори меѓу Подгорица и Приштина. Црногорскиот парламент кон крајот на минатата година го ратификуваше овој договор, додека косовското собрание сé уште не го стори тоа.
Пратениците од опозициските партии во Приштина тврдат дека Црна Гора го оштетила Косово за 8.000 квадратни метри негова територија. Меѓутоа, независната меѓународна експертска комисија не открила неправилности во процесот на разграничувањето.
На новинарско прашање дали црногорските безбедносни сили се во состојба на приправност, како што пренесуваат во неделата црногорските медиуми, поради можните инциденти на границата, претседателот Филип Вујановиќ одговори дека Црна Гора покажала во сите ситуации дека има држава којашто на својата безбедност ѝ придава голема важност.
„Нема ниедна причина и во оваа ситуација да немаме целосно јасна претстава дека Црна Гора ги преземала сите мерки за да ја гарантира безбедноста“, рече Вујановиќ, истакнувајќи дека граѓаните на ниеден начин нема да бидат загрозени.
Прашан, пак, за прогласот на ткн Албанска народна армија (АНА), којашто често дава „коминикеа“ изминатите години и во врска со Македонија и со јужна Србија, која се закани дека ќе избувне војна меѓу Албанците и Црногорците доколку биде ратификуван договорот за меѓудржавната граница, Вујановиќ рече дека за тоа дознал од медиумите, како и дека верува оти граѓаните на Косово разбираат дека Црна Гора е добар сосед и дека никогаш не искажала никакви претензии.
„Ова што се случува на Косово го доживувам како прашање на нивните внатрешни односи и разбирам дека на тој начин се реагира и внимателно се подготвува седницата на којашто ќе се изврши ратификувањето“, заклучи Вујановиќ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.