Спорт
Русод во „војна“ со Бартомеу: Корупцијата во Барса е очигледна
Поранешниот потпретседател на Барселона, Емили Русод е подготвен да оди во „легална битка“ со претседателот Жосеп Марија Бартомеу, велејќи дека „корупцијата е очигледна“ на „Ноу Камп“ и посочи дека кривичната тужба која ја најави клубот кон него е само обид да се уништи неговата репутација.
Русод, заедно со уште пет члена на бордот на клубот, неодамна си поднесоа оставки протестирајќи против водството на клубот во време на криза. Најголем проблем беше скандалот со социјалните медиуми, или „Барсагејт“ како што го нарекоа шпанските медиуми, со кој наводно Бартомеу ангажирал компанија да го подобри неговиот имиџ и да напаѓа лично сегашни и поранешни членови на клубот, вклучувајќи ги и Пеп Гвардиола и Лионел Меси.
По оставката, Русод обвини дека некој „крадел“ од Барселона, посочувајќи дека е платена сума многу повисока од вообичаената за оддржување на социјалните мрежи, со што некој ја ставил разликата в џеб. За ова постои надворешна истрага чии резултати се очекуваат во следните недели.
Русод во соопштение до „Ел мундо депортиво“ влегува со нови обвинувања кон Бартомеу:
1.Постоењето на корупција во клубот е очигледно преку договорите на компаниите кои ги водат социјалните мрежи, бидејќи исплатата е направена во рати за да се избегне внатрешна контрола.
2.Изјавите кои јас ги дадов за оваа тема се вистинити и целосно потврдени, што ми дава за право да ја отфрлам тужбата.
3.Кога на клубот ги посочив нерегуларностите, морав да заминам. Сите имаме обврска јавно да ги објавиме нелегалностите кои може да се криминал.
4.Си го заддржувам правото да се бранам пред легалните органи за овие лажни обвинувања. Се работи за лична чест и мојот адвокат ќе го води тимот.
5.Никогаш не сум се сомневал во чесноста на нашиот клуб и неговите вработени. Почестен сум што можев да служам на Барса и да се сретнам со луѓе кои работат професионално.
6.Мојата намера постојано беше да се биде транспарентен и чесен.
Досегашниот потпретседател на Барса обвинува: Некој крадеше од клубот
Барселона со кривична пријава против експотпретседателот кој ги обвини за крадење
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Херојот на ПСЖ ја скршил раката
Голманот на Пари Сен Жермен, Матвеј Сафонов, беше апсолутен херој во финалето на Интерконтиненталниот куп. „Светците во среда вечерта ја освоија титулата, а два дена подоцна пристигнува вест дека тој заработил фрактура на левата рака.
Пари Сен Жермен го победи Фламенго по подобро изведување на пенали. Резултатот беше 1:1 по 120 минути игра, францускиот првак победи 2:1 на пенали.
Матвеј Сафонов навистина немаше многу работа во текот на 120-те минути од натпреварот, но затоа беше главна фигура на теренот кога започна пенал рулетот.
Како што се очекуваше, тој ја освои наградата за играч на натпреварот откако одбрани четири последователни пенали. Русинот е првиот голман што одбрани четири последователни пенали во натпревар од ФИФА натпреварување.
Во петокот, ПСЖ објави дека Сафонов заработил фрактура на левата рака и дека ќе мора да паузира одреден период. Клубот додаде дека нови прегледи и евалуации ќе бидат направени за три до четири недели.
Клубот накратко изјави дека Сафонов ја претрпел повредата „за време на натпреварот со Фламенго“, но нема објаснување кога и како се случила.
Foto/ freerangestock
Спорт
Дејан Милосављев во Кјелце до 2030 година
Поранешниот голман на Вардар, европски првак со црвено-црните, Дејан Милосављев, од наредната сезона ќе брани во Полска. Репрезентативецот на Србија потпиша договор со Кјелце.
Популарниот Банда потпиша договор со екипата на Талант Дујшебаев до 2030 година, односно 3+1 години.
„Дејан Милосављев е еден од најдобрите голмани во Европа во последните години. Шест години беше член на Фуксе Берлин, со кого, меѓу другото, минатата сезона беше вицешампион на Лигата на шампионите, ја освои Лигата на Европа и Бундеслигата. Од 2014 година е постојан репрезентативец на Србија. Ќе настапи за својата земја за Европското првенство во Данска, Норвешка и Шведска во јануари. Минатата сезона беше втор според бројот на одбранети удари во Лигата на шампионите. Забележа 166 одбрани на 19 натпревари, што е процент на успешност од над 27%. Во тековната сезона во Бундеслигата, тој веќе имаше 120 одбрани во 15 натпревари“, презентираше полскиот вицешампион на Милосављев.
Дејан Милосављев е третото официјално засилување за Кјелце, за следната сезона, по десните бекови Лука Ловро Кларица од Загреб и Жулиен Бос од Нант.
Кјелце ќе биде петти клуб во кариерата на Милосављев по Југовиќ, Партизан, Вардар и Фуксе Берлин.
Спорт
Слот има добри вести: Собослaј е подготвен, се враќа Фримпонг
На прес конференцијата на Арне Слот пред гостувањето на Ливерпул кај Тотенхем имаше добри вести, но „Црвените“ одат во Лондон без седум играчи. Тотенхем и Ливерпул играат во 18:30 часот.
Иако имаше многу шпекулации, Арне Слот вели дека Доминик Собослај треба да биде подготвен за натпреварот во сабота. Добрата вест е дека повредата на Коди Гакпо не е толку сериозна како што првично се чинеше.
Конор Бредли, кој ја отслужи суспензијата против Брајтон, исто така ќе се врати во тимот, а ќе се врати и Џереми Фримпонг, кој отсуствуваше поради повреда од 22 октомври.
Заедно со добрите вести, има и некои не толку пријатни. Арне Слот не може да смета на Џо Гомез, Мохамед Салах не е тука, исто така и Ватару Ендо, Џовани Леони, Стефан Бајчетиќ, Џејден Фанс и Кајде Гордон.
Слот објасни дека ќе знае дали Собослај може да биде на теренот од самиот почеток, по денешниот тренинг, односно кога ќе разговара со медицинскиот персонал после тоа.
„Ако се чувствува добро, ако сè оди како што треба, тогаш ќе биде стартер“, рече Слот.
Foto/ depositphotos

