Свет
Невообичаени мерки во целиот свет: хеликоптери бркаат излетници, креваат прашина за да го прекинат натпреварот
Повеќето од светското население е во карантин поради опасноста од коронавирусот, освен полицајците на кои им се дадени поголеми овластувања во некои земји.
Пример за веројатно најнеобичното бркање од улиците е Индија, која дури и ја опремила полицијата со шлем во облик на вирус.
Тунис, кој веќе е подготвен да испрати полициски роботи на улиците, ги засилува контролите. Воен хеликоптер бил испратен во текот на викендот за да прекине младински фудбалски натпревар со кој се крши наредбата за национална блокада.
Видеото објавено на социјалните мрежи покажува дека авионите летаат доволно ниско за да кренат огромни облаци прашина и да го оневозможат натпреварот.
Tunisian army use helicopter to end football match that violated countrywide lockdown (Video: Hamza_Zhiou). pic.twitter.com/xyX44lsdam
— Breaking Aviation News (@breakingavnews) April 12, 2020
Полициските службеници во светот биле особено загрижени за тоа како луѓето се однесуваат кога е убаво времето. Во Велика Британија полицијата во заседа чекала селски излетници за време на викендот.
На пример, во Тасманија полицијата ги предупредила потенцијалните излетници дека со хеликоптер ќе ги надгледуваат дури и најоддалечените кампови.
When u social distance so well that the cops have to find u by helicopter pic.twitter.com/iOmd0AOqCf
— Petite Nicoco (@PetiteNicoco) April 12, 2020
Во Британија, сепак, има апсурдни примери кога полицајците се заканувале дека ќе ѕиркаат и во корпите на потрошувачите за да утврдат дали продуктите се неопходни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милановиќ го осуди Израел: „Нема никакво оправдување за нападите врз членовите на УНИФИЛ“
Претседателот на Хрватска Зоран Милановиќ денеска ги осуди нападите на израелските одбранбени сили врз припадниците на мировните сили на Обединетите нации (УНИФИЛ) во Либан.
„Нема никакво оправдување за нападите врз членовите на УНИФИЛ и единственото нешто што завојуваните страни, вклучително и израелските одбранбени сили, мора да направат е веднаш да запрат каква било форма на напад и притисок врз мисијата УНИФИЛ“, се вели во соопштението.
Тој потсети дека Советот за безбедност на ОН предупреди дека членовите и објектите на мировните сили на ОН никогаш не смеат да бидат цел на напади.
Во соопштението се наведува дека во мисијата УНИФИЛ имало и припадник на хрватските вооружени сили, дека неговото учество во мисијата завршило и дека во тек е организацијата на неговото безбедно враќање во Хрватска.
„Подоцна ќе одлучиме за распоредување на припадник на вооружените сили кој треба да го замени во мисијата УНИФИЛ, имајќи ја предвид безбедносната состојба пред се“, се вели во соопштението од кабинетот на претседателот.
Претседателот потсети дека задачата на членките на УНИФИЛ е да го бранат меѓународниот мир и безбедност, односно да обезбедат целосна имплементација на Резолуцијата 1701 на Советот за безбедност на ОН од 2006 година со цел зачувување на мирот меѓу Либан и Израел.
Тој нагласи дека членовите на УНИФИЛ се обидуваат да спречат ескалација на конфликтот, додека нападите на ИДФ врз нив „ги прават напорите на УНИФИЛ невозможни и директно придонесуваат за ширење на тој конфликт“.
Свет
(Видео) Трамп на митингот во Пенсилванија: „Ајде да слушаме музика, нели е убаво“
Градското собрание во Пенсилванија во понеделникот се претвори во 30-минутна музичка сцена, каде што танцуваше Доналд Трамп.
Настанот предизвика нови исмејувачки коментари од потпретседателката Камала Харис бидејќи таа го нападна Трамп како „слаб и нестабилен“ во нејзината кампања, пренесуваат американските медиуми.
Две екипи за итни случаи во толпата го прекинаа настанот за што Трамп ја обвини жештината, а модераторот на настанот, гувернерката на Јужна Дакота, Кристи Ноем, се пошегува дека местото не може да си дозволи климатизација „во оваа економска клима“.
Трамп повика да се свири „Аве Марија“ за време на двата прекина, но поранешниот претседател зборуваше само накратко откако на друго лице му беше укажана итна медицинска помош.
„Да не поставуваме повеќе прашања. Ајде само да слушаме музика. Да направиме музички фестивал. Кој по ѓаволите сака да слуша прашања, нели? Зарем тоа не е убаво?“, рече Трамп.
Трамп потоа застана на сцената нишајќи се на музиката, ка публиката не знаеше дали настанот е завршен или не, пренесе АП.
Поранешниот претседател остана на сцената и праша: „Никој не си оди, што се случува?“
Официјалниот профил на кампањата на Камала Харис на социјалните мрежи сподели видео од поранешниот претседател како полека танцува на музиката на сцената.
„Скитникот изгледа изгубено, збунето и замрзнато на сцената додека неколку песни траат повеќе од 30 минути, а публиката рано заминува од местото на средбата“, се вели во коментарот.
Самата Харис ја сподели објавата додавајќи: „Се надевам дека му оди добро“.
Во последователната обкава кампањата го исмева Трамп истакнувајќи дека тој им рекол на своите поддржувачи „да излезат и да гласаат на 5 јануари“ и „зборувале за Ханибал Лектор, канибалистички сериски убиец, кој не е реален“.
Националната прес-секретарка на Трамп, Каролин Ливит, сподели клип од него како танцува со натпис:
„Диџеј Трамп“!
Портпаролот на кампањата на Трамп, Стивен Чеунг, напиша на „Твитер“:
„Нешто многу специјално се случува во Пенсилванија токму сега во градското собрание на Трамп“ додавајќи: „Фестивал на тотална љубов во градското собрание на ПС. Сите беа толку возбудени што се онесвестија, па Доналд Трамп се сврте кон музиката“.
Свет
Шефот на турската дипломатија: Кризата во Газа ја покажа пристрасноста на меѓународниот систем
Шефот на турската дипломатија, Хакан Фидан, денеска го критикува меѓународниот правен систем наведувајќи дека израелската војна во Газа ја покажала својата пристрасност и хиерархиска природа.
„Она што се случува во Газа е жив доказ за фактот дека меѓународниот систем е создаден за да се користи и злоупотребува од привилегирано малцинство“, рече Фидан на конференцијата за глобална дипломатија и иднината на Палестина во Анкара, пренесе „Ал џезира“.
Тој додаде дека се покажало оти меѓународната заедница, почнувајќи од муслиманскиот и арапскиот свет, е бескорисна, немоќна и безнадежна да ја спречи оваа трагедија која трае, пренесува „Танјуг“.
Фидан повика на итна акција предупредувајќи дека доколку не се најде решение, војната во Газа ќе ескалира во поголема регионална и глобална криза.