Свет
Трамп инсистира на чековите за помош на Американците да стои неговото име
САД на своите граѓани ќе почне да им исплаќа милијарди долари помош поради кризата предизвикана со коронавирусот.
Во рамките на пакет-економската помош тешка 2.000 милијарди долари е и исплата на еднократен надомест на сите граѓани што заработуваат помалку од 75.000 долари годишно. Тие ќе добијат по 1.200 долари и уште 500 долари за секое дете до 17 години.
Американците што во даночната управа го пријавиле бројот на сметката веќе добиле пари, а другите ќе добијат чек по пошта. Но, како што пишува „Вашингтон пост“, исплатата на чекови би можела да доцни неколку дена бидејќи претседателот Доналд Трамп во последен момент одлучил дека сака на нив да стои и неговото име.
„Трамп ја задржува исплатата на илјадници Американци, кои едвај спојуваат крај со крај во оваа криза, само за да го нахрани своето его. Само овој претседател оваа тешка ситуација во земјата сака да ја искористи за сопствена промоција“, рекол сенаторот на државата Орегон, Рон Вајден, водечки демократ во националниот одбор за финансии.
На чековите нема да биде втиснат потписот на Трамп бидејќи американскиот претседател не е овластен да потпишува исплати од националниот трезор, па неговото име ќе биде на левата страна од чекот, но јасно и видливо. Првпат во историјата на САД името на еден претседател ќе биде втиснато на државни чекови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.