Свет
(Видео) Кинески „Мекдоналд“ забранил да влегуваат црнци бидејќи ширеле коронавирус
![](https://makfax.com.mk/wp-content/uploads/2020/04/mekdonalds.jpg)
Ресторан на „Мекдоналд“ во јужниот кинески град Гуангжу им забранил на црнците да влезат бидејќи смета дека припадниците на таа раса шират коронавирус.
На социјалните мрежи се шири видеото на еден корисник што се обидел да влезе во ресторанот, но обезбедувањето не го пуштило. Тој го снимил ресторанот и натписот што го пречекал на влезот.
A McDonald’s in #china is allegedly not permitting black people to dine in their restaurant. This follows weeks of rampant discrimination and racism towards foreigners in the China, particularly towards the African community. #blacklivesmatter #McDonalds pic.twitter.com/poyfQcBOXO
— The China Insider (@TheChinaInside2) April 11, 2020
„Добивме информација дека црнците не може да влезат во ресторанот. За ваше и наше здравје, ве молиме, јавете се во полиција за информации за самоизолација. Ве молиме, имајте разбирање“, се вели во натписот.
„Мекдоналд“ веднаш го затворил споменатиот ресторан и јавно се извинил велејќи дека таквата политика ги крши сите принципи и вредности што компанијата ги почитува и дека нешто слично нема да се случи повторно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
28 милиони долари за кампањата на Бајден собраа холивудските ѕвезди
![](https://makfax.com.mk/wp-content/uploads/2024/06/bajden-italija.jpg)
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.
Европа
Германската полиција уби навивач кој со секира влегол во фан-зоната на Европско првенство (ВИДЕО)
![](https://makfax.com.mk/wp-content/uploads/2024/06/germanija.jpg)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
![](https://makfax.com.mk/wp-content/uploads/2024/06/soobrakajka.jpg)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.