Европа
Во Европа повеќе од еден милион луѓе заразени со коронавирус
Повеќе од еден милион луѓе се заразени со коронавирус во Европа, што е нешто повеќе од половина од вкупните случаи во светот, каде што има повеќе од два милиона заболени, пренесува агенцијата „Франс прес“.
Со најмалку 1.010.896 случаи на зараза, од кои 85.227 се смртни случаи, Европа е најпогодениот континент во пандемијата на Ковид-19.
Земјите што се најпогодени се Шпанија, Италија, Франција и Германија, секоја со над 100.000 случаи на своја територија, при што Велика Британија се приближува до таа бројка и моментно бележи најмногу случаи на ден.
Во Европа се забележани 85.227 починати лица на 1.010.896 заболени во средата во 11 часот по полноќ, во Соединетите Американски Држави и во Канада имало 26.983 смртни случаи (636.413 заболени), Азија – 5.218 смртни случаи (147.564 заболени), Блискиот Исток – 5.135 смртни случаи (108.791 заболен), Латинска Америка и Карибите – 3.343 смртни случаи (73.673 заболени), Африка – 869 смртни случаи (16.215 заболени) и Океанија – 78 мртви (7.652 заболени).
САД плаќаат најтежок данок со 26.059 смртни случаи на 609.516 заразени. Следуваат Италија со 21.067 смртни случаи, Шпанија – 18.579 смртни случаи, Франција – 15.729 смртни случаи и Велика Британија – 12.107 смртни случаи.
Овие податоци доаѓаат од информациите што „Франс прес“ ги собра од надлежните национални власти и од информациите од Светската здравствена организација (СЗО).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.