Спорт
Џордан: Поради овој документарец ќе мислите дека сум ужасен
ЕСПН на 19 април ќе ја емитува првата епизода од документарниот филм посветен на Мајл Џордан. Документарецот „Последниот танц“ за најдобриот играч на сите времиња има десет епизоди.
„Кога луѓето ќе ја видат серијата не сум сигурен дека ќе можат да разберат зошто сум бил толку напнат, зошто сум направил некои работи, зошто тогаш сум се однесувал така и зошто сум кажал некои работи“, рекол Џордан преку режисерот Џејсон Хејр.
„Кога ќе видите како го јавам Скот Бурел ќе мислите дека сум одвратен. Но мора да разберете зошто кон него така се однесував. Ми беше потребно да биде жесток во плеј-офот кога игравме со Индијана, Мајами и Њујорк. Ми беше потребно да биде јак, морав да знам дека можам да сметам на него. Такви работи луѓето нема да можат да разберат. Победувањето има своја цена. Лидероството има цена. Јас ги влечев луѓето кога тие тоа не го сакаа. Ги предизвикував тие луѓе кога не сакаа да бидат предизвикани. Заслужив јас да бидам тој тип бидејќи соиграчите не можеа да го издржат она што јас го издржав“, рекол Џордан во документарниот филм. Некои детали од животот и кариерата на Мајкл Џордан.
„Кокаински циркус“
„Видете луѓето порано не зборуваа многу на таа тема, но…Еден пример. Претсезона. Мислам дека бевме во Пиорија. Бевме во хотел, а јас како „руки“ се обидувам да ги најдам соиграчите. Тропам од една на друга врата и тога слушам од другата страна: ‘Псст некој е надвор! Кој е?’. Јас велам: ‘Ем-Џеј’. А од внатре се слуша: ‘О да ти е..м тоа е нашиот руки, не се секирајте’. Влегувам внатре, тука е речиси целиот наш тим (Чикаго Булс). Во собата гледам работи кои претходно не сум ги видел. Гледам црти кокаин, луѓе кои пушат марихуана, некои девојки…Веднаш заминав. Во тој момент си помислив, доколку влезе полиција и направи рација јас ќе бидам виновен исто колку и сите во собата. Од тој момент најчесто бев сам“.
„Наместо да оди на прием кај претседателот на САД се коцкал со нарко-дилер“
Џордан по освојувањето на првата НБА-титула со Чикаго не се појавил на приемот кај претседателот на САД Џорџ Буш. Официјално имал „сериозни семејни проблеми“. Вистината е поинаква, во Белата куќа не се појавил бидејќи игра голф и се коцкал со Џејмс „Слим“ Булер нарко-дилер кој подоцна бил осуден за перење пари. ФБИ нашле чек на Џордан на сума од 57.000 долари. Џордан подоцна се правдал дека му позајмил пари на Булер, а потоа признал дека тие пари ги изгубил на коцка.
View this post on Instagram
Anything with Michael Jordan is great, but THIS? This is something special. Don’t miss it.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ПСЖ се спаси од пораз против Стразбур

Фудбалерите Пари Сен Жермен и Стразбур ремизираа 3:3 во дербито на осмото коло од Лига 1.
Луд натпревар беше виден на „Паркот на принцовите“. Домаќинот трган фуриозно, а на крајот мораше да се бори за еден бод.
Сè започна со голот на Баркола во шестата минута, но гостите до полувремето направија пресврт, со головите на Паничели во 26-та и Мореира во 41-та минута.
Паничели дополнително ги загрижи „Светците“ во 49-та минута, а Рамос го врати ПСЖ во игра од пенал во 58-та минута.
Мајулу спаси бод за ПСЖ во 79-та минута.
И на овој натпревар Луис Енрике не можеше да смета на важни играчи – Дембеле, Маркињос, Невеш, Руиз, додека Кварацхеликја, Мендеш и Витиња започнаа од клупата.
ПСЖ го запиша второто последователно реми, и е на чело со 17 бода, еден повеќе од Стразбур.
Спорт
Мареска потврди дека Палмер ќе паузира уште шест недели

Фудбалерот на Челзи, Кол Палмер (23), нема да може да им се придружи на соиграчите уште шест недели поради повреда на препоните, објави тренерот Енцо Мареска.
Палмер не играл од поразот на Челзи од Манчестер Јунајтед на 20 септември.
Тој го напушти теренот во првото полувреме, а Мареска потоа објави дека ќе го одмори до октомвриската репрезентативна пауза, која сега е завршена.
„Згрешив. За жал, тој ќе биде надвор од терените веројатно шест недели“, рече Мареска, исклучувајќи ја можноста за операција.
„Се обидуваме да го заштитиме Кол колку што е можно повеќе и најважно е тој да биде целосно закрепнат кога ќе се врати“, додаде италијанскиот стручњак.
Челзи, кој моментално е седми на табелата во Премиер лигата, во сабота гостува кај Нотингем Форест, кој е 17-ти на табелата.
Спорт
Флик негира дека претседателот на клубот му се меша во работата

Ханси Флик, на прес конференцијата, пред натпреварот со Џирона, бурно реагираше на прашањето дека претседателот на Барселона барал Ламин Јамал да игра против ПСЖ во Лигата на шампионите.
Шпанските медиуми со денови шпекулираат за наводниот конфликт во врвот на каталонскиот клуб, според кој претседателот Џоан Лапорта наводно му наредил на Ханси Флик да го вклучи Ламин Јамал во почетниот состав за натпреварот против ПСЖ, иако 18-годишникот, според изворите, доцнел на задолжителниот состанок на тимот пред дуелот.
„Би сакал да знам од каде доаѓаат тие глупости. Никој во клубот никогаш не ме замолил да направам нешто слично. Тие ми веруваат целосно. Немам што да кријам, познато е дека во Барселона тренерскиот штаб носи спортски одлуки“, рече Флик.
Тој нагласи дека Ламин Јамал не бил казнет и дека неговото место во почетниот состав против ПСЖ е спортска одлука, а не резултат на каков било притисок од раководството.
Да потсетиме дека шпанските таблоиди претходно објавија дека Флик прво планирал да го казни младиот напаѓач затоа што доцнел и дека му рекол дека нема да биде во првиот состав. Сепак, според овие шпекулации, раководството на клубот наводно инсистирало Јамал да го започне натпреварот.
Инаку, Барселона во второто коло загуби од ПСЖ со 1:2.