Регион
Грција ќе ја прошири граничната ограда кон Турција, тврди дека Турците пукале во грчката полиција
![](https://makfax.com.mk/wp-content/uploads/2020/04/16-grci.png)
Грчката влада ќе ја прошири граничната ограда покрај реката Еворс во подготовките за нов бран мигранти и тврди дека турските војници пукале кон грчката полиција на почетокот од овој месец пренесува „Прото Тема“.
Планот за проширување на граничната ограда е дел од новиот закон за справување со ширењето на Ковид-19 и се истакнува дека грчките власти ќе го градат продолжувањето на граничната ограда без оглед на буџетот за расходи.
Оклопни воени возила ќе бидат распоредени и по северната граница со Турција поради покривање на вонредни и итни потреби за јавниот интерес и за заштита на националните и на границите на ЕУ.
Грчката влада исто така тврди дека Турција може да ги испраќа мигрантите назад во грчката гранична област откако претходно ја затвори границата кон крајот на минатиот месец поради стравувањата од инфекција со Ковид-19.
„Забележавме некои сомнителни движења… Како резултат на тоа, наредивме засилена подготвеност во следните неколку дена за време на велигденските празници“, вели извор од грчката влада.
Портпаролот на грчката влада, Стелиос Петас, ги потврди тврдењата, велејќи дека Грците забележале знаци на активност.
Грчкиот министер за одбрана Никос Панагиотопулос додаде: „Ќе ги зајакнеме нашите сили по должината на границите. Во Еврос постојната ограда е зајакната и се гради на места каде што не постоеше. На море, каде што напорите се потешки отколку на копно, сме со крајбрежната стража.“
Откако турскиот претседател Реџеп Таип Ердоган ја отвори турската граница за мигрантите, грчките власти пријавија повеќекратни акти на агресија од турските сили стационирани по должината на границата.
На почетокот на овој месец турските специјални сили пукале кон грчката полиција, како во воздух така и во нивната насока. Инцидентите се случиле вечерта на 7 април во близина на селото Софико, при што најмалку тројца турски војници пукале во три одделни инциденти. Грците не возвратиле на огнот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Туристите и граѓаните на Грција добија итни СМС предупредувања: Се приближува силно невреме, град и грмежи
![](https://makfax.com.mk/wp-content/uploads/2024/07/fds-2.jpg)
Граѓаните и туристите во Солун, Лариса и други области на северна Грција добија предупредување во форма на итна СМС порака поради невремето кое се очекува во текот на денот.
Во пораката се наведува дека од раните утрински часови до пладне се очекува лошо време, како град и грмотевици, пренесува Катимерини.
„Избегнувајте преминување на порои и потоци, пеш или со возило, при невреме и врнежи, работа и активности на отворено. Треба да избегнувате да поминувате под големи дрвја и поставени знаци. Не држете ги вклучените електрични уреди или телефони, бидејќи молњата може да помине низ жиците. Избегнувајте допирање на водоводни цевки (кујна, бања), бидејќи тие се спроводници на струја“, се наведува во предупредувањето.
Исто така, се додава дека ако некој е на отворено за време на невреме, советот е да се држи подалеку од метални предмети, како што се автомобили, велосипеди или опрема за кампување и дека ако некој е во морето, веднаш да излезе.
Регион
Силни молњи предизвикаа пожари на Тасос
![](https://makfax.com.mk/wp-content/uploads/2023/05/grom-na-Rodos.jpg)
Силни молњи вчера предизвикаа два пожари на грчкиот остров Тасос, еден ден откако пожарникарите се справија со шумските пожари поттикнати од силните ветрови на два други острови.
Повеќе од 32 пожарникари со помош на 13 противпожарни возила, едно летало и два хеликоптери се обидуваат да го изгаснат пламенот што го проголтува шумското земјиште на два фронта на островот во северното Егејско Море на 306 километри северно од Атина, соопшти противпожарната бригада.
Шумските пожари станаа почести и деструктивни во Грција во последните години поради климатските промени, а грчката служба за цивилна заштита предупреди на понестабилно време во среда и четврток, наведувајќи дека се очекуваат невреме со голема фреквенција на грмежи и град.
Регион
На Фејсбук е објавено лажно видео од премиерот Вучевиќ, реагираат надлежните органи
![](https://makfax.com.mk/wp-content/uploads/2024/07/fgd.jpg)
На социјалната мрежа Фејсбук се појави лажен видео клип, или непостоечка изјава на премиерот на Србија Милош Вучевиќ, соопштија од Кабинетот на премиерот.
Како што беше најавено, вештачката интелигенција креирала непостоечка изјава на премиерот Милош Вучевиќ на сметката „Corvus01“ во која е злоупотребена неговата слика, додека со генериран глас се објавуваат податоци за непостоечки владини проекти.
Министерството за внатрешни работи, односно полициските службеници на техничката управа на СБПВТК, контактирале со компанијата Мета за да ги отстранат споменатите објави и да дадат информации за администраторот на сметката.