Црна хроника
Истурена жива во УЈП Тетово
Непозната течност којашто наликувала на жива била истурена утрово во просториите на Управата за јавни приходи во Тетово, соопштуваат од Управата за јавни приходи (УЈП).
Течноста ја забележала вработена во Регионалната дирекција Тетово. Кога пристигнала на работното место забележала дека во ходникот, пред влезот во канцелариите на Управникот и Заменик управникот, има истурено поголема количина на непозната течна материја со сребреникава боја, која многу наликува на жива.
Случајот веднаш бил пријавен во полиција и во притвпожарната служба.
„Управата за јавни приходи изразува згрозеност и загриженост поради зачестеноста на ваквите и слични инциденти во изминатиот период, кои директно се насочени кон даночниците и можат сериозно да ја нарушат безбедноста и здравјето на вработените при вршење на професионалните должности“ се вели во соопштението од УЈП./крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.