Македонија
Шекеринска: Заедно со мерките ќе се менува и армискиот ангажман
Зголемен армиски ангажман од страна на општините најави министерката за одбрана Радмила Шекеринска. Како што ќе се менуваат мерките, така ќе се менува и армискиот ангажман, изјави Шекеринска.
„Во Скопје, Тетово, Гостивар, Дебар, Охрид, Струмица, Куманово, Битола и Прилеп има распоредено армиски припадници како поддршка на полицијата и на локалната самоуправа, а се разговара по нивно барање со Велес, Кавадарци, Росоман и Гази Баба“, рече Шекеринска, зборувајќи на прес видеосесија КОВИД-19 „Прашања и одговори: Ретроспектива коронавирус МК“.
Министерката изјави дека армиските структури дополнително ја дале својата поддршка во повеќе општини во делот на дезинфекција бидејќи има специјална единица која е обучена за таа цел. Инженериските единици биле ангажирани да го расчистат просторот на Клиничкиот центар и да овозможат активирање на полската болница, рече Шекеринска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.