Спорт
Тоти: Не стапнувам во Рома додека Палота е претседател
Франческо Тоти вели дека нема да стапне во тренинг-центарот на Рома додека Џејмс Палота останува претседател на клубот, покажувајќи ја лутината за тоа како заврши неговата блескава кариера на „Олимпико“.
Тоти се пензионираше во мај 2017 година по 786 настапи за клубот во кои постигна 307 гола за да стане директор на клубот. Меѓутоа, минатиот јуни тој ја прекина 30-годишната соработка со римскиот клуб, сметајќи дека му е дадена позиција со која не може да носи одлуки. Тој сега вели дека би се вратил во Рома само под други сопственици и дека не може да отиде ниту да го гледа својот син Кристијан како игра во У-15 тимот.
„Видете, додека ситуацијата е ваква, нема да стапнам на Тригорија. Секогаш кога го оставам Кристијан на тренинг, останувам пред портите. Некогаш седам во колата и ми се плаче што по 30 години не можам да стапнам таму. Си заминав и тоа е тоа. Уште имам пријатели со кои разговарам од портата, но не можам да влезам да го гледам синот. Тоа би ме убило“, открива Тоти во Инстаграм разговор со Лука Тони.
Тој смета дека бил „истеран“ во пензија предвреме, по што Рома ги прекршила ветувањата кои му биле дадени.
„Не сакав да сопрам. Бев во добра форма и зошто би го направил тоа. Не сакав да го уништам времето поминато во Рома и затоа се пензионирав наместо да одам во друг клуб. Не сум глупав и знаев дека уште можам да придонесам на клубот. Ќе бев среќен само да бев дел од соблекувалната, да му помагам на тренерот и на младите фудбалери. Бев навистина вознемирен бидејќи ќе ја исечев мојата нога за Рома“, вели Тоти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.
Спорт
Тиквеш и Воска најавуваат голема борба за трофејот во Купот
Извор/ ffm.mk
Тиквеш и Воска Спорт утре од 19:00 часот на Националната арена „Тодор Проески“ во Скопје ќе се соочат во 31. финале од Купот на Македонија.
На денешната прес-конференција, тренерите и капитените на двата тима ги споделија своите очекувања во пресрет на утрешното финале.
„Кога сме веќе во финалето, секако дека сме тука и да го освоиме. Нема да бидеме скромни, сакаме да го освоиме пехарот. Верувам дека моите фудбалери ќе бидат максимално мотивирани и дека ќе ја заокружиме оваа сезона на најдобар можен начин. Победникот може да го реши еден момент, грешка или инспирација на одреден фудбалер“, изјави тренерот на Тиквеш, Ѓорѓи Мојсов.
„За разлика од Тиквеш ние сме млад клуб кој постои неколку години, ова е прва година во Прва лига за Воска и веднаш стигнуваме до историско финале што е голем успех. Првенството го завршивме на посакувано место, па сега одиме да се надигруваме против Тиквеш во Купот на Македонија. Тие се хит во пролетниот дел од сезоната и сакам да им честитам за четвртото место на табелата кое е одлично остварување за Тиквеш. Играат добро, но сепак и ние сме во добра форма, долго време сме без пораз и дојдовме во Скопје да се надигруваме и да го освоиме Купот на Македонија. Еднаш бев учесник во финале како тренер на Металург и загубивме од Работнички. Се надевам дека сега со Воска Спорт ќе бидеме поуспешни и дека ќе ги оствариме нашите цели“, рече тренерот на Воска Срѓан Захариевски