Регион
Штрајк со глад во карантин во БиХ
Група граѓани коишто се сместени во карантин во студентскиот центар Бјелаве во Сараево започнале штрајк со глад, откако и по две недели не им било дозволено да одат дома.
Во изјава за медиумите тие велат дека се во карантин веќе 16 дена и дека никој сè уште не им се обратил, и покрај повиците и апелите од надлежните, а меѓу луѓето кои штрајкуваат со глад имало и семејства со деца.
„Никој не дојде ниту пак не повика. Има луѓе кои не се тестирани. Ние сме тука 16 дена. Некои дури и одбија храна во неделата, а околу 50 од нас штрајкуваат со глад од изутринава. Проблемот е во тоа што овој карантин ми влијаеше на работата. Не можам да им исплатам плата на работниците“, вели Зерин Нуркановиќ,кој се вратил од Шведска.
Мајка на две деца, од кои едното е петмесечно бебе, исто така се приклучила на штрајкот со глад.
„Штрајкувам без оглед на тоа што го дојам бебето. Јас сум многу исцрпена и не спијам четири часа на ден. Се наоѓаме во една просторија, децата спијат во различно време и ретко можам да се одморам. И физички и психички неможам повеќе“, вели таа.
Граѓаните кои се вратија во БиХ беа сместени во домот во Бјелаве, а надлежните инспекции издадоа решение дека мора да поминат 28 дена во карантин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Уште една сообраќајна несреќа кај Младеновац: се запали автомобил недалеку од местото на кое утрово се судрија автобус и автомобил
Недалеку од местото на кое утрово се случи несреќата, во која загина Милош Н. (34), по судир меѓу автобус и џип, само неколку часа подоцна се случила уште една сообраќајна незгода.
Според „Нова.рс“, едно возило се запалило и целосно изгорело.
Пожарникарите и полицијата се на терен.
Несреќата се случила во правец од Младеновац кон приклучокот кон автопатот Белград – Ниш.
Регион
15-годишно девојче застрелано на Калемегдан
Околу 8 часот утринава со воздушна пушка е застрелано 15-годишно девојче кај Калемегдан.
Детето било застрелано во бутот кога тргнало на училиште.
Според српските медиуми, девојчето тргнало на училиште, а во првиот момент кога било рането, помислила дека ја удрила топка во ногата. Неколку секунди подоцна забележала крв.
Девојчето е пренесено во Институтот за мајка и дете и чека операција.
Тинејџерката добила прострелна рана во бутот.
Инцидентот бил пријавен во полиција по 8 часот, а истрагата е во тек.
Регион
Два месеца од исчезнувањето на Данка Илиќ – телото сè уште не е пронајдено, таткото на осомничениот за убиството од денес на слобода
Двегодишната Данка Илиќ исчезна на 26 март во населбата на Бањско Поле во Бор, а нејзиниот случај не доживеа целосен епилог. Имено, дури и по признанието на двајцата работници на ЈКП „Водовод“ дека девојчето го убиле и го фрлиле телото на блиската депонија, нејзиното тело сè уште не е пронајдено.
Десет дена по интензивното пребарување, работниците на ЈКП за кои постојат сомненија дека го убиле девојчето беа уапсени. Тие се во притвор од 6 април поради опасност од бегство, можноста да влијаат на сведоците и да уништат или отстранат траги од извршениот криминал, како и јавно вознемирување.
И таткото на Д. Д., кој беше во притвор, денес излегува на слобода затоа што за кривичното дело за кое е осуден притворот не може да трае подолго од два месеца. Инаку, тој е осомничен дека му помогнал на својот син да го премести телото на девојчето, а од денес добива шанса да се брани од слобода.
Во понеделникот беше испрашан и директорот на ЈКП „Водовод“, кој поднесе оставка по убиството, како и мештанин од селото Лука.
До Обвинителството сè уште не се доставени докази за трагата на движење на возилата, кои, како што се осомничени, го убиле девојчето и сè уште не пристигнала целосна биолошка експертиза. По пристигнувањето на сите докази, Обвинителството ќе донесе одлука за понатамошниот тек на дејствување, пренесе „Танјуг“.