Свет
Американците сè повеќе се непријателски настроени кон Кина
Американците сè повеќе се непријателски настроени кон Кина додека пандемијата на коронавирусот ја уништува американската и глобалната економија, се вели во студијата објавена денеска во САД.
Се смета дека кон ваквиот став придонесува и кампањата на администрацијата на Трамп против Кина. Истражувањето, спроведено минатиот месец од страна на непартискиот Центар за истражување „Пев“, покажува дека дури две третини од испитаниците (66 проценти) не се наклонети кон Кина. Тоа е значителен скок од 20 проценти во однос на истражувањата пред претседателот Доналд Трамп да влезе во Белата куќа во 2017 година.
Резултатите покажуваат дека обвинувањата на Трамп оти несовесноста на Кина довела до пандемија имаат влијание врз тамошното население. Истражувањето исто така покажува дека наглата промена во ставот на повеќето Американци во голема мера е под влијание на трговската војна меѓу Кина и САД. Индикација за тоа е дека порастот на нетрпеливоста кон Кина се зголемил најмногу во 2019 година, а во март, во екот на пандемијата, немало значителни промени.
Понатаму, Американците веруваат дека и покрај пандемијата, САД се најсилната воена и економска моќ, па 91 процент веруваат дека светот е подобар под американско отколку под кинеско раководство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.