Свет
Иран го лансираше својот прв воен сателит во орбитата
Иран успешно го испрати во орбитата својот прв воен сателит, јави денеска државната новинска агенција „Тасним“. Сателитот „Нор“ (Светлина) беше пуштен во орбита на 425 км над површината на Земјата преку двофазниот носач „Касед“.
Лансирањето, што го спроведе Исламската револуционерна гарда (ИРГЦ), доаѓа откако иранскиот министер за одбрана, Амир Хатами, во февруари ги отфрли обвинувањата на САД дека сателитските носачи може да се претворат во воени проектили и дека неодамнешното неуспешно лансирање на сателитот „Зафар“ било дел од ракетната програма на Иран.
„Лансирањето на сателитот и сателитскиот носач не се поврзани со ракетната програма“, истакна Хатами, кој вети дека и покрај противењето од некои земји, Иран ќе продолжи да ја развива својата сателитска програма.
Според Хатами, иако носачот нема никаква воена примена, сателитот би можел да се користи во одбранбени цели од страна на Исламската Република. Тој исто така истакна дека иако Иран веќе развил бројни ракети, ниту една од нив не е дизајнирана да носи нуклеарни боеви глави, дури и ако Техеран ги има. Тој потврди дека Исламската Република не сака да развива нуклеарно оружје или средства за негово доставување.
Коментарите се појавија откако Иран не успеа да го испрати сателитот „Зафар“ во орбитата на 9 февруари бидејќи ракетата не постигна доволно забрзување.
„Лансирното возило успешно го лансираше сателитот ‘Зафар’ во вселената, но ракетата не можеше да ја добие потребната брзина за да го стави во орбита. Ќе бидат извршени неопходните работи за оптимизација за следното лансирање “, рече портпаролот на иранското Министерство за одбрана, Ахмад Хосеини.
На лансирањето му претходеа два други неуспешни обида да се постави „Зафар“, дизајниран да собере податоци за земјотреси и други природни катастрофи од вселената во орбитата на Земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес ја погоди Грција
Земјотрес со јачина од 3,8 степени според Рихтеровата скала утрово ја погоди Грција, јавува ЕМСЦ.
Земјотресот е регистриран на Крит, на 63 километри од Ираклион, на длабочина од 14 километри.
Засега нема информации за повредени или материјална штета.
Земјотресот е регистриран во 9:34 часот по локално време.
Свет
(Видео) Трамп во приватен разговор: Бајден ја напушта трката, ја имаме патетичната Камала
На социјалните мрежи се појави видео од републиканскиот претседателски кандидат Доналд Трамп, кој во приватен разговор одржан на теренот за голф тврди дека неговиот ривал, демократскиот кандидат Џозеф Бајден, ќе ја напушти претседателската трка поради лошиот настап на минатонеделната дебата.
Во видеото, Трамп ја опишува потпретседателката Камала Харис како „лоша“.
BREAKING: Leaked video shows Donald Trump saying he thinks Kamala Harris will be the Democrat nominee, says she is "so f**king bad."
"She's so bad. She's so pathetic. She's just so f**king bad."
"How did I do with the debate the other night? I kicked that old, broken down pile… pic.twitter.com/8OKxd1hHc6
— Collin Rugg (@CollinRugg) July 4, 2024
„Тој (Бајден) само што поднесе оставка. Тој ја напушта (претседателската) трка, а тоа значи дека ја имаме Камала (Харис). Мислам дека таа ќе биде подобра, таа е толку патетична, толку е лоша, кажал Трамп од количката за голф во клипот, пренесува „Sky News“.
Според одделни анкети спроведени од „Њујорк Тајмс“ и „Волстрит журнал“, Трамп има поголеми шанси за победа од Бајден.
Врз основа на истражувањето на „Њујорк Тајмс“, спроведено меѓу регистрираните гласачи кои се очекува да излезат на гласање на 5 ноември, 49 отсто од гласачите би гласале за Трамп, а 43 отсто за Бајден.
Бајден треба официјално да биде номиниран во август, а единствениот начин да биде сменет е самиот да си поднесе оставка, што тој негираше дека ќе го стори.
Свет
Русија тврди дека уништила украински МиГ-29 на аеродромот Долгинцево
Министерството за одбрана на Русија денеска соопшти дека на аеродромот Долгинцево во областа Дњепропетровск е уништен украински борбен авион МиГ-29.
„Рускиот „Искандер“ изврши ракетен напад врз паркингот за авиони на аеродромот Долгинцево, уништени се борбените авиони МиГ-29 на вооружените сили на Украина, авионското оружје и авијациско-инженерските возила“, соопшти Министерството, пренесе Тас.
Министерството објави и снимка од уништувањето на авионот.