Спорт
Пред 17 години, Роналдо Назарио им даде три гола и доби аплаузи на „Олд Трафорд“ (видео)
![](https://makfax.com.mk/wp-content/uploads/2020/04/ronaldo-manchester-united-real-madrid_3mpp34n612xq1c19cng8as5hr.jpg)
Роналдо Луис Назарио неодамна призна дека негов омилен фудбалски момент во богатата кариера беше пред точно 17 години на „Олд Трафорд“, кога им даде хет-трик на „ѓаволите“ во дресот на Реал Мадрид и доби аплаузи од домашните навивачи додека излегуваше од игра.
Јунајтед загубија со 3:1 во Мадрид во првиот меч од четврт-финалето и се обидуваа да направат камбек на својот стадион. Роналдо го отвори резултатот, пред Руд ван Нистелрој да израмни до полувремето. Роналдо потоа постигна уште два гола, а Јунајтед успеаја само да стигнат до залудна 4:3 победа.
Зборувајќи со „Скај спортс“, Бразилецот откри дека тоа бил навистина посебен момент.
„Беше Лига на шампиони против Манчестер јунајтед, прекрасен и отворен дуел и постигнав три гола. Најдоброто беше кога ме заменија, бидејќи цел стадион аплаудираше. Никогаш не би очекувал такво нешто. Бев изненаден од спонтаната реакција на навивачите, чиј ривал бев на крајот. Тоа беше магичен момент, еден од најважните во мојот живот“, откри Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.