Свет
Коронавирусот ја губи силата на сонце, влага и топлина, тврдат американските научници
Коронавирусот побрзо ја губи силата кога е изложен на сонце, топлина и влага, изјави официјален претставник на американската влада, сигнализирајќи дека болеста позната како Ковид-19 може да стане помалку заразна во наредните летни месеци.
Американските научници откриja дека вирусот преживува најдобро во затворени и суви простори, а ја губи силата кога температурите и влажноста се зголемуваат, особено кога е изложен на сончева светлина, рече в.д. шефот на Бирото за наука и технологија во рамките на американското Министерство за внатрешна безбедност, Вилијам Брајан.
„Вирусот умира брзо во присуство на директна сончева светлина“, истакна Брајан.
Овој наод ги зајакнува надежите дека короната ќе го следи однесувањето на други респираторни заболувања, како што е грипот, кои обично се помалку заразни при потопли временски услови.
Сепак, има некои случаи каде новиот коронавирус се покажа како смртоносен и во топла клима како што е Сингапур, со што го доведе во прашање влијанието на временските услови врз неговото однесување.
Претседателот Доналд Трамп рече дека новите откритија треба да бидат толкувани со претпазливост.
„Се надевам дека луѓето ќе уживаат во сонцето и, ако има некаков ефект, тоа ќе биде одлично“, истакна тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.