Вработените во некогаш влијателната американска телевизиска мрежа CNN го заменија ликвидираниот челник на глобалната терористичка мрежа Осама бин Ладен со американскиот претседател Барак Обама, на текстот од титлот „маринецот го уби Обама“ кој во централните вести стоел околу една минута пред да биде забележан и сменет.

Во споменатите вести на CNN беше емитуван прилог посветен на темата којашто деновиве ја бранува американската јавност, околу тоа кој е всушност човекот кој на 2-ри мај во пакистанскиот град Аботебад со три истрела го ликвидираше идеологот на Ал Каеда, Осама бин Ладен.На грешката, која инаку се состои во една буква – Obama и Osama, сигнализирале обични корисници на Twitter , како и голем број новинари на американски медиуми.„Леле! Маринците излегле од контрола“, коментираше на својот профил на Twitter, дописникот на BuzzFeed, Џон Пасантино. „Кого само ќе отпуштат. Господ нека му е на помош“, коментираше новинарката на порталот Chron, Кетлин Меккинли. „Упс! Го убиле Обама?“, праша корисникот на социјалната мрежа Мајк Глосон, кој подоцна изрази благодарност до CNN поради тоа што неговиот твит на оваа тема ја „запали“ социјалната мрежа.Според ресурсот Business Insider, вработените во CNN потоа го замениле „Обама со бин Ладен“ за еден минута.Американската телевизиска мрежа CNN годинава поради слични грешки неколкупати беше во фокусот на корисниците на социјалните мрежи и медиумите. Така, сумирајќи го прелиминарните резултати од гласањето на референдумот за независноста на Шкотска, кога објави дека одѕивот на гласачите изнесува 110 отсто. Според скриншотот од официјалниот акаунт на Twitter кој му припаѓа на британскиот новинар Стиг Ејбл, американската телевизија коментирајќи ги првичните резултатите од референдумот за шкотската независност на 18-ти септември, наводно на гласање излегле 110 отсто од Шкотите со право на глас. „58 отсто – да, 52 отсто – не“, информираше CNN.Што се однесува, пак, до некогаш влијателната американска телевизиска мрежа CNN во серијата грешки за кои дојде во ударните вести на медиумите, таа на почетокот од јули годинава извештајот за влегувањето на украинските сили во источниот град Славјанск, го илустрираше со карта на којашто градот е сместен во црноморскиот полуостров Крим. Грешниот графички приказ беше искористен за време на извештајот за влегувањето на украинските сили во источните градови Славјанск и Краматорск. Двата града се наоѓаат во Донецкиот регион, а растојанието меѓу двата града изнесува 18 километри. Во прилогот Славјанск, град со 130 илјади жители, беше прикажан како селото Раздолное во северозападен Крим, на растојание од 450 километри од Краматорск.На крајот од мај CNN, исто така, имаше гаф во извештај во врска со Славјанск, кога објави снимка од настан во Сирија кој се одиграл половина година претходно, со кој го илустрираше уривање на хеликоптер на украинската армија крај побунетиот Славјанск, кога загинаа 14 војници.Претходно, исто така, во мај, CNN безуспешно се обиде да ги исплаши корисниците на својот портал iReport, кој всушност е своевидна социјална мрежа, со крајот на светот, при што во написот беше наведено дека гигантски астероид ќе се судри со Земјата, и тоа на 35-ти март 2041 година.Пред неколку месеци CNN со дозволи темелна географска грешка, на местото на Украина прикажувајќи ја територијата на Пакистан, како што пред крајот на минатата година на географската мапа кинескиот мегалополис Хонгконг го помести во Јужна Америка./крај/мф/сн

Извор: Макфакс