Црна хроника
Починаа тројцата возачи во сообраќајката кај Страцин
Почина и возачот на „тикото“, педесет и петгодишниот Драган И. од Крива Паланка кој беше повреден во тешката сообраќајка што се случи на магистралниот пат Куманово – Крива Паланка, кај местото Поповски рид во село Страцин утрово околу 5,15 часот.
Според полициските информации, сообраќајката се случила кога автомобилот, „БМВ“ со бугарски национални ознаки управувано од 34-годишниот Далибор Н. од Крива Паланка, се движело во насока кон Крива Паланка и на местото на незгодата возачот изгубил контрола над возилото, преминал на левата страна и првин удрил во возило кое се движело од спротивната насока марка „Тико“ со кривопаланечки регистарски ознаки управувано од 55-годишниот Драган И. од Крива Паланка, по што удрило и во возило марка „Голф“ со косовска национална ознака управувано од 36-годишниот Гаши И.(36) од Приштина, Косово.
На лице место на незгодата починале возачите Далибор и Гаши, додека пак Драган им подлегнал на повредите во Ургентен центар во Скопје.
Исто така, со тешки повреди се здобиле и четворица сопатници, двајца од Крива Паланка коишто биле во „тикото“ и двајца од Косово кои биле во „голфот“./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.