Спорт
Распродажба на „Фриули“
![](https://makfax.com.mk/wp-content/uploads/2020/04/INFRONT-De-Paul-e-Mandragora-e1537214297512.jpg)
Тројцата најдобри фудбалери на Удинезе во летниот преоден рок ќе го напуштат клубот. Директорот Пјерпаоло Марино потврдил дека клубот ќе ги продаде Родриго Де Пол, Секо Фофана и Роландо Мондрагора.
„Ќе мораме во целост да го смениме редот за врска, тоа е сигурно. Модрагора го бараат неколку големи клубови, Де Пол е неспорен шампион, а и Фофана ќе замине. На нивните места ќе донесеме фудбалери од странство италијанските фудбалери бараат големи плати“, изјавил Марино за „Газета дело Спорт“.
Според Марино голманот Хуан Мусо веројатно ќе остане на „Фриули“ иако интерес за него покажуваат Интер и Манчестер Јунајтед.
„Мусо би можел да остане уште една година за да собере искуство. Неговата цена е висока“, рекол Марино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Леброн и во иднина ќе го носи дресот на ЛА Лејкерс
![](https://makfax.com.mk/wp-content/uploads/2024/06/17193533732032.jpg)
Леброн Џејмс, еден од најдобрите кошаркари во историјата и во следните три сезони ќе го носи дресот на Лос Анџелес Лејкерс.
Лејкерси на 39-годишниот кошаркар му понудија огормен договор, се очекува Леброн да го прифати. .
Леброн за три години би требало да заработи дури 162 милиони долари. Во првата сезона неговата плата би била 50, во втората би се зголемила на 54, а во третата година од договорот на 58 милиони долари.
Џејмс дојде во Лејкерс во 2018 година од Кливленд. Покрај овие два тима, тој го носеше и дресот на Мајами Хит.
Леброн со Лејкерси ја освои титулата во 2020 година.
Спорт
Кек: Не очекував пласман во осминафиналето
![](https://makfax.com.mk/wp-content/uploads/2024/06/AFP0238537622979790740028738371097241441819-1.jpg)
Репрезентацијата на Словенија постигна историски успех на Европското првенство во Германија. Словенците прв пат се пласираа во нокаут фазата на едно големо натпреварување.
Избраниците на Матјаж Кек, во Ц групата, ремизираа со Данска 1:1, Србија 1:1 и Англија 0:0, што им беше доволно за пласман во нокаут фазата. .
„Не очекував дека ќе поминеме. Сепак, со играта заслуживме да одиме понатаму. Игравме против Англија, еден од фаворитите на турнирот. Покажавме ментална сила. Ги анализиравме, но кога станавме пасивни имавме проблеми“, изјави селекторот на Словенија Матијаж Кек и додаде:
„Горд сум на овој тим. Ја видовте енергијата што играчите ја добиваат од нашите навивачи од првиот натпревар. Се радуваме на тоа, но од утре се враќаме на тренинзите, ќе се подготвуваме за следниот натпревар. Имавме тешка група, но имаме врвен тим. Мислам дека ова е почеток на нова и убава ера за словенечкиот фудбал“, рече Кек.
Словенија, која беше трета во групата, заедно со првопласираната Англија, денеска ќе ги дознаат имињата на своите ривали во осминафиналето. Данска од втората позиција оди во Германија.
Спорт
(Видео) Лаутаро го реши Чиле, Канада го победи Перу
![](https://makfax.com.mk/wp-content/uploads/2024/06/12327435.jpg)
Аргентина е првата репрезентација која обезбеди четвртфинале на Копа Америка. Актуелните светски и јужноамерикански шампиони го совладаа Чиле со 1:0 на стадионот „Мет Лајф“ во Њу Џерси.
Решавачкиот момент се случи во 88.минута. По корнерот кој го изведе Меси и една флипер ситуација во шеснаесетникот на Чиле, најдобро се снајде Лаутаро Мартинез кој од неколку метри го совлада голманот Браво.
Аргентина доминираше во текот на целиот натпревар, Меси и колегите упатија 21 удар кон противничкиот гол.
Натпреварот го следеа повеќе од 80 илјади навивачи, а се подразбира дека повеќе од 90 отсто навиваа за Аргентина, од кои најголем број во дресови со број 10.
Еден гол го реши победникот и во вториот натпревар во оваа група. Канада беше подобра од Перу со 1:0. На Перуанците, кои од 59. минута играа со играч помалку, бидејќи беше исклучен Араухо, им пресуди Џонатан Дејвид, со гол во 74. минута.
Натпреварот се одигра на стадионот во Канзас Сити.