Непознати сторители во саботата во близина на хотелот „Памела“ кај Неготино, на паркинг простор извршиле грабеж врз патничко моторно возило со скопски регистарски ознаки, управувано од двајца турски државјани, при што се стекнале со противправна материјална корист во вредност од 650 илјади денари, соопштуваат органите на Министерството за внатрешни работи.

Инцидентот бил пријавен околу седум часот и триесет минути во полициската станица во Неготино од страна на вработен во хотелот.

До органите на министерството за внатрешни работи било пријавено кражба врз патничко возило „сани јонк“ управувано од двајца турски државјани кои престојувале во хотелот.

Оштетените ги оставиле своите торби во возилото, по што го заклучиле и заминале да појадуваат во хотелот, но откако се вратиле забележале дека во возилото недостига нивниот багаж.

Од торбите биле одземени два лаптоп компјутера, ајпад, фотоапарат, неколку кредитни картички, лични документи, 327 илјади денари, две илјади евра и 450 турски лири.

Истражните органи преземаат мерки за откривање на сторителите./крај/мф/ап

Извор: Макфакс