Актерката Сара Џесика Паркер призна дека не била подготвена за јавни коментари за нејзиниот физички изглед кога се прикажуваше премиерата на Сексот и градот во 1998 година.

„Во некои моменти беше навистина непријатно бидејќи луѓето имаа мислење и тоа не беше за мојата работа“, изјави актерката (60) за поткастот на Алекс Купер.

Паркер додала дека понекогаш ја фрустрирало тоа што гледачите погрешно го толкуваат нејзиниот лик Кери Бредшо, но таа истакна дека најмногу ја погодувале личните работи.

„Во тоа време, мислев дека сум прилично самоуверена личност“, рече таа, објаснувајќи како довербата е предизвикана и тестирана во такви ситуации.

„Тоа е како некој да ве откорнува целосно“. И покрај сè, Паркер рече: „Знам дека и вие го знаете ова – ваквите искуства нè обликуваат и не прават посилни, но не сите знаеме како да се справиме со тоа веднаш“.

Запрашана дали може да именува некои од поострите коментари што ги слушнала, Паркер рече: „Мислам дека тоа беа коментари за мојот физички изглед. Работи што не можев да ги променам, не би ги променила и никогаш не размислував за тоа.

Актерката која е во брак со актерот Метју Бродерик од 1997 година, исто така се присети на еден особено болен момент кога „едно списание напишало нешто многу злобно“ за нејзиниот изглед.

„Како да ме удираа онаму каде што најмногу ме боли“, признала таа. „Помислив: „Зошто е тоа проблем? Зошто вреди да одвоите време и зошто уживате во тоа?“

Паркер признала дека забелешката – која не сакала да ја повтори – ја погодила толку силно што „пукнала во солзи затоа што изгледало како да е кажана намерно, со намера да повреди“. Таа верува дека тоа било „единствениот пат кога навистина плачела поради негативните коментари за нејзиниот изглед“.

Флертувањето на многумина им доаѓа природно – тие лесно читаат невербални знаци, користат хумор и знаат како да создадат атрактивна динамика. Но, има и такви кои едноставно не се истакнуваат во тоа. Според астрологијата, два хороскопски знаци се издвојуваат по својата несмасност во заведувањето – не затоа што не се шармантни, туку затоа што флертувањето го доживуваат како нешто неприродно, па често се чувствуваат непријатно, вкочането или премногу сериозно. Наместо игра, тие избираат безбедност – и тоа ретко остава добар прв впечаток.

Јарец

Јарците во флерт често се однесуваат како да се на деловен состанок. Нивната сериозност, потреба за контрола и резервиран говор на телото ги тера ретко да оставаат впечаток на флертувачка или разиграна личност. Наместо да гледаат под веѓите и да прават лежерни шеги, тие ќе ве прашаат кои се вашите професионални амбиции или во која банка имате сметка.

Покрај тоа, Јарците често имаат проблем да се отворат со странци бидејќи им е тешко да покажат ранливост. Сакаат стабилност, лојалност и јасност – а флертувањето го гледаат како површна игра во која лесно може да се изгуби достоинството. Затоа често се среќаваат како ладни или незаинтересирани, иако всушност многу се грижат.

Девица

Девиците се склони кон прекумерна анализа, дури и кога треба само да уживаат во туѓо друштво. Наместо да уживаат во меѓусебната хемија, тие размислуваат за сè што би можеле да кажат погрешно и често се саботираат себеси воздржувајќи се. Наместо спонтаност – тие се водени од внатрешен критичар.

Кога флертуваат, Девиците може да изгледаат нервозни, вкочанети, па дури и незаинтересирани, иако внатре се многу љубопитни. Ним им треба повеќе време да се опуштат и да стекнат доверба, па ретко оставаат заводлив прв впечаток – но кога ќе се отворат, нивното внимание и искреност стануваат исклучително привлечни.

Искусен пилот откри која фаза од летот предизвикува најголема нервоза кај членовите на екипажот.

Одговарајќи на прашања од неговите следбеници на „Јутуб“, комерцијалниот пилот Стив Шрајбер – поранешен офицер на американската морнарица и чест коментатор на авионски несреќи – беше запрашан дали има период за време на летот кога тој самиот се чувствува нервозен. Еден од присутните го прашал: „Дали си понервозен при полетување или при слетување?

Тој одговори дека ако треба да избере меѓу тие две ситуации, полетувањето ќе биде поголем предизвик.

„Тогаш авионот е најтежок што некогаш ќе биде“, објасни тој.

„Моторите работат со полна моќност, а вие сте најбавни што ќе бидете. Откако ќе ја напуштите земјата, забрзувате, почнувате да користите гориво, станувате полесни и можете да ја намалите моќноста“, рече тој.

Во истото видео одговори и на честото прашање – дали е навистина потребно да се вклучи авионскиот режим на мобилните телефони за време на летот. Авионскиот режим ја оневозможува можноста за испраќање и примање безжични сигнали на уредот. Неговиот совет е едноставен: „Треба да го вклучите авионскиот режим“.

Тој се осврна на тестовите спроведени од Федералната управа за авијација на САД (FAA) кога употребата на мобилни уреди почна да расте. Резултатите покажаа дека во некои ситуации сигналите од уредите во задниот дел на авионот може да пречат на опремата за навигација.