Спорт
Руџери: Марадона и Шукер го договорија резултатот на мечот Хрватска-Аргентина (Видео)
Оскар Руџери поранешен репрезентативец на Аргентина денес е водител на Тв емисијата „90 Minutes of Soccer“. Гостин во неговата емисија бил прославениот Уругваец Диего Форлан. Во разговорот Руџери проговорил и за сомнителниот натпревар помеѓу Хрватска и Аргентина одигран во јуни 1994 година.
Аргентина во 1994 година како дел од подготовките за Светското првенство во САД играше пријателски натпревари. Еден од противниците им биле и Хрватите кои во тоа време немаа право на настап во квалификациите, но со дозвола на ФИФА имаа право да играат пријателски натпревари.
Приказната за овој сомнителен натпревар започнала кога Руџери го прашал Форлан што мисли за чудниот натпревар помеѓу Аргентина и Уругвај одигран во квалификациите за пласман на СП во 2002 година. Форлан му рекол дека не знае ништо бидејќи не играл, а потоа возвратил со контра прашање.
„Колку такви натпревари си одиграл ти?“, прашал Форлан, а Риџери му одговорил.
„Се сеќавам само на една, против Хрвтска“.
Руџери рекол дека мечот во Загреб не требало да се игра, бидејќи играчите биле преморени. Во краток период Аргентинците играле против Еквадор и Израел.
„Се сеќавам дека Хрватска тогаш имаше страшен тим. Играа Бобан, Шукер, оној плавиот од Реал (Просинечки)…Беа запалени, а ние од патувањата не можевме да стоиме. Диего Марадона добро го познаваше Шукер и разговараа додека не падна конечниот договор: „Нема да се напаѓаме“, завршил Руџери.
Оскар Руџери играше за Аргентина во 1986 година кога „гаучосите“ ја освоија титулата и четири години подоцна кога беа поразени во финалето од Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024