Спорт
Ним на Стојановски нема да испадне од Лига 1
![](https://makfax.com.mk/wp-content/uploads/2020/04/imago0044018470s.jpg)
Фудбалската сезона во Франција заврши вчера откако премиерот Едуар Филип изјави дека колективни спортски активности нема да има до септември.
Како ќе изгледаат табелите, односно како ќе биде применет правилникот за испаѓањето од Лига 1, односно промоцијата од Лига 2 во најсилната конкуренција појаснил првиот човек на Фудбалскиот сојуз на Франција Ноел Ле Грет. Тој појаснил дека шампионската титула за сезоната 2019/2020 нема да биде доделена.
„Треба само да го примениме правилникот. Два тима ќе испаднат од Лига 1, два тима од Лига 2 ќе влезат во елитното друштво. За да ја одредиме табелата ќе се земат резултатите до 27 коло. Сега приоритет ќе ни биде да се одигра финалето на Купот помеѓу ПСЖ и Сент Етиен“, рекол Ле Грет.
Ова значи дека во Лигата на шампионите ќе играат ПСЖ и Марсеј, а во квалификациите ќе оди Рен. Загарантирано место во лига Европа има Лил. Доколку не се одигра финалето во Купот тогаш во Лига Европа ќе играат покрај Лил и Лион односно Монпелје. Овие два тима по 27 кола се наоѓаат на петтото и шестото место на табелата.
Од Лига 1 според пласманот ќе испаднат Амиен и Тулуз што значи дека Ним, кој се наоѓа на 18 место, на македонскиот репрезентативец Влатко Стојановски ќе се спаси од испаѓање.
Од Лига 2 во Лига 1 пласман ќе изборат Лориен и Ленс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.