Спорт
Серија А сигурно нема да продолжи
Кратко траеше радоста на италијанската спортска јавност дека ќе продолжи Сезоната во Серија А. Министерот за култура и спорт во владата на премиерот на Италија Џузепе Конти, Виченцо Спадафора, им порачал на клубовите да започнат со плановите за наредната сезона.
„Дали и кога ќе продолжи Серија А? Доколку сакаме да спречиме коронавирусот да се шири на било кој начин тогаш треба да го следиме примерот на Холандија и Франција. Искрено едно такво сценарио е сѐ поблиску и кај нас. Нема проблем Спортистите да им се вратата на тренинзите, но играњето натпревари е нешто друго, ризично е. Да сум на местото на претседателите на клубовите би започнал да размислувам за наредната сезона. Одлуката што ја донесе Франција би можела да ја усмери Италија и другите европски земји да постапат на ист начин. Читајќи ги изјавите, ми се чини дека поголем дел од претседателите на клубовите во Серија А сакаат сезоната да заврши“, рекол Спадафора и дополнил.
„Со ова не го демонизираме фудбалот, како што ни префрлаат, лудост е и да помислите нешто такво. Фудбалот на целиот спорт му носи големи суми на пари, но и на нашата економија, но доколку не можеме да гарантираме безбедност за сите учесници тогаш е најдобро сезоната да биде прекината. Ги повикувам челните луѓе на италијанскиот фудбале да размислат за планот Б“.
Сезоната во Серија А е прекината на 9 март, до крајот на сезоната останаа уште 12 рунди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг ќе добие отказ, можен наследник е Де Зерби
Иако Манчестер јунајтед го освои ФА Купот, гласините за отказот на Ерик Тен Хаг не стивнуваат. Доколку тоа се случи, прв фаворит на клупските челници е Роберто де Зерби.
Тен Хаг тврдеше дека новите луѓе во спортскиот сектор му рекле дека сакаат со него да го започнат новиот проект. Сепак, тој истакна дека доколку сакаат да го заменат, има каде да оди да освојува трофеи.
Можеби воторото сценариото ќе се оствари, бидејќи на „Олд Трафорд“ не се импресиоирани од она што во две сезони го оствари Тен Хаг.
Како што пренесува „Гардијан“, Џим Ретклиф го контактирал поранешниот тренер на Брајтон, Роберто де Зерби. Италијанецот ги напушти „галебите“ на крајот од сезоната, а неговото име се поврзува со голем број големи клубови.
Ако Де Зерби не ја прифати понудата, на листата кандидати следуваат: Томас Тухел, Киеран Мекена, Маурисио Покетино и Томас Франк.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.