Свет
(Видео) 100 тела во распаѓање пронајдени во камиони пред погребален дом во Њујорк
Стотина мртви тела биле пронајдени во камиони во близина на еден погребален дом во Њујорк кога соседите се пожалиле на смрдеата што се ширела од возилата, во кои труповите, најверојатно, биле со недели.
Жителите на Бруклин Флетландс се обиделе да ја игнорираат смрдеата, но во средата, конечно, била повикана полицијата да го испита нејзиниот извор. Тие откриле 100 трупа во распаѓање во четири камиони во погребалниот дом „Ендрју Т. Клекли“.
„Тие растоваруваа тела. Беа ставени на целиот под во погребалниот дом. Ги извадија еден по еден, од нив капеше крв“, изјави еден локален жител додавајќи дека видел како погребалните работници ги преместувале труповите без маски или ракавици.
Police were called to a #Brooklyn neighborhood Wednesday after a #NewYork funeral home overwhelmed by the #coronavirus resorted to storing dozens of bodies in rented trucks, and a passerby complained about the smell. #theafricanpress #covid19 pic.twitter.com/eve7Wfaoai
— The African Press (@TheAfricanPress) April 30, 2020
Општинскиот претседателот на Бруклин, Ерик Адамс, рече дека пристигнал во објектот „Клекли“ во средата вечерта за да види како изгледа местото на настанот, а улиците биле затворени додека полицајците вршеле преглед на камионите.
„Се чини дека камионот бил полн. Тие се обидоа да користат сканија како резервна опција“, рече Адамс додавајќи дека ова е трауматизирачки за членовите на семејствата.
Њујорк веќе некое време е најголемото жариште на Ковид-19 во земјата со повеќе од 164.000 заразени и околу 18.000 смртни случаи, покажуваат податоците на Универзитетот „Џон Хопкинс“. Здравствената криза предизвика абнормално оптоварување на градските мртовечници и погребалните домови, во кои многу бргу снемало простор за складирање на телата.
Иако Федералната агенција за управување со вонредни состојби (ФЕМА) обезбеди камиони ладилници како мртовечници, некои објекти сè уште се борат да се справат со приливот на починати.
Сопственикот на објектот им кажал на властите дека сторил сè за да се справи со огромниот прилив на трупови обидувајќи се да ги натовари камионите со мраз, но тоа немало ефект. Иако добил две казни за неправилно складирање, сопственикот не се соочува со кривични пријави. Полицијата соопшти дека телата биле пренесени во камион ладилник подоцна во средата, но додаде дека не е јасно колку од нив биле починати од коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина главниот шеф на пропагандата на Ким Џонг-ун
Почина поранешниот севернокорејски пропагандист Ким Ки-нам, објавија утринава државните медиуми. Имаше 94 години.
Тој почина поради старост и оштетување на органите за кои се лекуваше од 2022 година, објави официјалната агенција КЦНА, а пренесе Би-би-си.
Ким Ки-нам беше водечки пропагандист во Северна Кореја со децении, долго време служеше на владејачкото семејство каде што придонесе за градење на култот на личноста на севернокорејските диктатори.
Севернокорејскиот лидер Ким Џонг-ун присуствуваше на неговиот погреб рано наутро и му оддаде почит на „ветеранот револуционер кој остана безгранично лојален“ на режимот, соопшти КЦНА.
Јужнокорејската новинска агенција Јонхап го спореди со шефот на пропагандата на нацистичка Германија Јозеф Гебелс.
Ким Ки-нам, кој немаше крвно сродство со владејачкото семејство, беше назначен за заменик директор на Одделот за пропаганда и агитација во Пјонгјанг во 1966 година, каде што тесно соработуваше со Ким Џонг-ил, претходникот и таткото на сегашниот лидер Ким Џонг-ун. Ким Ки-нам подоцна дојде на чело на одделот.
Ким Ки-нам наводно бил близок со Ким Џонг-ил, а во 1970-тите бил назначен за шеф на државниот весник Родонг Синмун.
Свет
Масивен ракетен напад врз Украина, Зеленски: „Светот не смее да му даде шанса на новиот нацизам“
Русија рано утринава жестоко ја нападна Украина со проектили и беспилотни летала. Ова го тврди Володимир Зеленски.
„На денот на сеќавањето и победата над нацизмот во Втората светска војна, нацистичкиот Путин изврши масовен ракетен напад врз Украина. Повеќе од 50 проектили и повеќе од 20 беспилотни летала Шахед беа истрелани врз инфраструктурата во Лавов, Виница, Киев, Полтава, Кировохрад, Запорожје и Ивано-Франковск“, објави украинскиот претседател Володимир Зеленски на X.
„Сите служби за итни случаи излегоа на терен и веќе работат на ублажување на последиците од рускиот терор. Цел свет мора да разбере кој е кој. Светот не смее да му даде шанса на новиот нацизам“, порача Зеленски.
Руските воздушни напади утринава првенствено беа насочени кон енергетската инфраструктура низ целата земја, соопштија украинските воени и енергетски претставници.
„Уште еден масовен напад врз нашата енергетска индустрија“, објави на својот канал „Телеграм“ украинскиот министер за енергија Херман Халушенко.
Целите беа објекти за производство и пренос на електрична енергија во регионите Полтава, Кировоград, Запорожје, Лавов, Ивано-Франковск и Виница, додаде тој. Освен регионот Запорожје, сите останати се далеку од линијата на фронтот, која минува низ источниот и југоисточниот дел на Украина.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.