Спорт
Трипиер обвинет за нелегално обложување
Англиската Фудбалска асоцијација (ФА) го обвини Киеран Трипиер за наводно нелегално обложување, иако фудбалерот на Атлетико Мадрид тврди дека не се обложувал, ниту профитирал од совети за обложување во текот на кариерата.
29-годишниот Трипиер е обвинет за прекршок минатиот јули, периодот во кој го комплетираше трансферот од 20 милиони фунти од Тотенхем во Атлетико Мадрид. Според ФА тој ги прекршил правилата кои им забрануваат на фудбалерите да се обложуваат или да даваат инструкции на други за обложување вклучувајќи информации за трансфери на фудбалери и избор на фудбалери. Тој има до 18 мај да одговори на обвинувањата.
Трипиер преку соопштение инсистираше дека не се обложувал, ниту профитирал од туѓи облози во кариерата.
„Доброволно соработувам со истрагата на ФА во последните неколку месеци и ќе продолжам со тоа. Сакам да посочам јасно дека додека сум професионален фудбалер, никогаш не сум се обложувал“, вели Трипиер.
Лани, неговиот сонародник Даниел Стариџ доби шестнеделна суспензија и казна од 75.000 фунти за прекршување на правилата, откако му кажал на својот брат за потенцијален трансфер од Ливерпул во Севилја. Неколку месеци подоцна, колумбискиот дефанзивец на Евертон, Јери Мина беше обвинет за учество во рекламирање на компанија за обложување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата ги објави најдобрите петорки за сезоната 2023/2024
Кошаркарската Евролига ја објави првата и втората петорка за сезоната 2023/24.
Во гласањето учествуваа навивачи, новинари, тренери и капитени на тимовите. Во првата и втората петорка немаше место за најдобриот стрелец Маркус Хауард (Баскониј) и најдобриот дефанзивец Томас Вокап (Олимпијакос).
Двајца од Панатинаикос и по еден играч на Реал, Монако и Фенербахче се во најдобрата петорка: Факундо Кампацо (Реал Мадрид), Мајк Џејмс (Монако), Кендрик Нан (Панатинаикос), Најџел Хејс-Дејвис (Фенербахче) и Матијас Лесор (Панатинаикос).
💫𝗧𝗵𝗲 𝟮𝟬𝟮𝟯-𝟮𝟰 𝗔𝗹𝗹-𝗘𝘂𝗿𝗼𝗟𝗲𝗮𝗴𝘂𝗲 𝗙𝗶𝗿𝘀𝘁 𝗧𝗲𝗮𝗺💫
🔸Facundo Campazzo
🔸Mike James
🔸Kendrick Nunn
🔸Nigel Hayes-Davis
🔸Mathias Lessort pic.twitter.com/Mx8h5cISyr— Turkish Airlines EuroLeague (@EuroLeague) May 13, 2024
Во втората најдобра петорка има по двајца играчи на Макаби и Реал и еден на Панатинаикос: Костас Слукас, Марио Хезоња, Валтер Тавареш, Вејд Болдвин и Лоренцо Браун.
𝗧𝗵𝗲 𝟮𝟬𝟮𝟯-𝟮𝟰 𝗔𝗹𝗹-𝗘𝘂𝗿𝗼𝗟𝗲𝗮𝗴𝘂𝗲 𝗦𝗲𝗰𝗼𝗻𝗱 𝗧𝗲𝗮𝗺
🔹Kostas Sloukas
🔹Mario Hezonja
🔹Walter Tavares
🔹Wade Baldwin IV
🔹Lorenzo Brown pic.twitter.com/Zsa2ragllH— Turkish Airlines EuroLeague (@EuroLeague) May 13, 2024
За потсетување, овогодинешниот фајналфор ќе се одржи од 24 до 26 мај во Берлин.
Полуфиналните двојки се Панатинаикос – Фенербахче, односно Реал – Олимпијакос.
Спорт
Барселона бара 100 милиони евра за Араухо
Претседателот на Барселона, Џоан лапорта, наводно е подготвен да го продаде Роналдо Араухо.
На Каталонците очајно им требаат пари од продажба на играчи за да се засилат во летниот преоден рок, а Френки де Јонг по којзнае кој пат одбива да го напушти клубот.
Барселона е подготвена да го продаде Рафиња, но заминувањето на Бразилецот нема да биде доволно за да се обезбедат дополнителни пари за трансфери.
Наводно, одлуката да биде продаден Араухо, била донесена бидејќи од неговата продажба клубот може да инкасира околу 100 милиони евра. Голем интерес во јануарскиот преоден рок за Араухо покажа Баерн Минхен. Тогаш баварците нуде 70 милиони евра за Уругваецот.
Од евентуалните продажби на Араухо и Рафиња, Барселона планира да заработи помеѓу 150 и 180 милиони евра.
Тогаш клубот може да почне да ги реализира плановите на тренерот Чави, односно да се насочи кон трансферите на Нико Вилијамс од Атлетик Билбао и фудбалерите на Лајпциг Дани Олмо и Чави Симонс.
Во одбраната, никој не би го заменил Араухо, бидејќи наводно клубот верува дека таа позиција е добро покриена кога Жил Кунде ќе се врати во срцето на одбраната, заедно со Кристенсен, Кубарси, Иниго Мартинез и повратникот Ерик Гарсија.
Спорт
Јокиќ: Петтиот натпревар ќе биде најтежок во нашите животи
Денвер Нагетс ја вратија предноста на домашниот терен, во серијата со Минесота, откако го добија и вториот натпревар во Минеаполис.
Петтиот меч се игра во Денвер, во среда од 4:40 часот по македонско време.
Актуелниот МВП, Никола Јокиќ блескаше во четвртиот натпревар со 35 поени и по седум скока и асистенции. Голема помош, Јокиќ доби од Арон Гордон, кој мечот го заврши со 27 поени.
На прашањето дали моментумот сега е на страната на Нагетс, Јокиќ одговари:
„Да и не, знаеме дека сè уште ништо не сме направиле. Знаеме дека петтиот натпревар ќе биде најтешкиот натпревар во нашите животи, па ќе се подготвиме соодветно. Уште пред да започне серијата мислев дека ќе биде интересна серија. Во првите два натпревари не натераа да играме брзо, не ја игравме нашата игра, а сега си го вративме ритамот“.