Спорт
Претседателот на Сојузот сексуално злоставувал фудбалерки
Претседателот на Фудбалскиот сојуз на Хаити се соочува со сериозни обвинувања за сексуално вознемирување.
Ив Жан-Барт познат како „Даду“, кој на чело на Фудбалскиот сојуз на Хаити се наоѓа од 2000 година, наводно сексуално злоставувал неколку млади фудбалерки во националниот тренинг центар.
Приказната ја објави „Гардијан“.
„Постои негова „посебна девојка“ која работи таму и која врши пристисок врз девојките да имаат секс со него. Тој ќе се појави во националниот центар и го снима жртвите. Ќе одбере атрактивна девојка и потоа ќе ја испрати таа своја госпоѓа да ѝ каже на девојката дека е исфрлена од центарот. Кога ќе види дека девојката е во солзи таа ја советува да оди и да разговара со Даду. Од тој момент започнува сексуалното злоставување“, пишува во својот текст „Гардијан“.
Ив Жан-Барт обвинувањата во текстот на „Гардијан“ ги нарекол неосновани.
„Никогаш немаше поплаки против Сојузот, ниту против персоналот, ниту против мене лично. Невозможно е вакви сексуални злоставувања да се случат во нашиот центар“, рекол Жан-Баер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.