Спорт
За шестмина повеќе нема место во Реал
Ниту еден од најбогатите клубови во светот, Реал Мадрид, не е имун на финансиската криза која произлезе од пандемијата што ја предизвика вирусот ковид-19. За да ги намали расходите и да има пари за летниот преоден рок клубот планира да отпушти неколку играчи.
Реал за оваа година планирале буџет од 822 милиони евра (трошоците би биле 741 милиони евра, заработката околу 80 милиони евра). Реал од членарината, влезниците и годишните влезници заработува 161 милиони евра, 109 милиони евра клубот заработува од пријателските натпревари и меѓународните турнири, 180 од ТВ права и 371 милион од маркетингот.
Овие бројки сега се во сериозна опасност. Дури и да се остварат оптимистичките прогнози и минусот што го предизвика кризата да биде 20 отсто, во пари тоа се 160 милиони евра.
Поради тоа клубот ќе мора да продава, за да има пари за трошење и да го растовари буџетот за плати.
Прв на трансфер-листата секако е Герет Бјел. Бруто платата на Велшанецот изнесува 30 милиони евра. Втор на оваа листа е Хамес Родригез чија бруто плата изнесува 18 милиони евра. Приоритет на Реал е да се ослободи од нивните договори.
Исто така на продажба ќе бидат Маријано Дијаз, Лукас Васкез, Дани Себалјос, Хесус Валјехо. Исто така од клубот им порачале на Лука Модриќ и Марсело дека нема да им прават проблеми доколку најдат нови ангажмани.
Добра вест за Реал е што во овој преоден рок нема да мораат многу да купуваат бидејќи неколку играчи ќе се вратат на „Сантијаго Бернабеу“. Тука најмногу се мисли на Мартин Едегард, Ашраф Хакими и Серхио Регуилон кој се позајмени во Реал Сосиедад, Борусија Дортмунд, односно Севилја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нов гол на Миовски за Абердин
Македонскиот репрезентативец Бојан Миовски ја продолжи гол-серијата во Премиер лигата на Шкотска. Миовски постигна еден гол во убедливата победа на Абердин кај Хибернијан.
Миовски во 52.минута постигна гол за 3:0. За него ова беше 16.гол во шкотската Премиер лига, вкупно 26. во сите натпреварувања од почетокот на сезоната.
Абердин се наоѓа на седмото место во Шкотска, до крајот на сезоната ќе одигра уште два натпревари, прптив Ливингстон и Рос Каунти.
BM9 Bojan Miovski goal
3-0
Hibs are falling apart again pic.twitter.com/SUAVSsVaiM
— Rop Ted (@roptedmin) May 12, 2024
Спорт
(Видео) Проектилот на Де Пол го доближи Атлетико до ЛШ – Симеоне ја забележа 400. победа со „јорганџиите“
Фудбалерите на Атлетико Мадрид ја победија Селта со 1:0 на „Метрополитано“ во 35.коло од Ла Лига.
Херој во победата на Атлетик беше Родриго Де Пол, кој во финишот, во 84.минута, постигна еврогол за три бода со кои „јорганџиите“ веројатно го обезбедија пласманот во Лигата на шампионите. Ова беше 400. триумф на тренерот на Атлетико, Диего Симеоне, во Ла Лига.
Атлетико доминираше во текот на целиот натпревар, но имаше проблем со реализиацијата.
На голотна Селта блескаше Гуаита, кој имаше седум интервенции.
Селта единствената шанса за гол ја имаше во 59. минута кога ударот на Јаго Аспас спектакуларно го одбраи Јан Облак.
Атлетико на четвртото место има 70 бодови, осум повеќе од Атлетик Билбао, додека Селта е 16. со 34 бодови, пет повеќе од Кадиз кој е првиот тим под цртата.
Спорт
Тежок пораз на Ѓоковиќ на Мастерсот во Рим
Новак Ѓоковиќ дожиева дебакл во третото коло на Мастерсот во Рим. Светскиот број 1, загуби од Алехдандро Табило за само 68 минути игра. Чилеанецот, инаку 32. на АТп листата го победи Ѓоковиќ со 6:2, 6:3.
Во текот на целиот меѓ Ѓоковиќ имаше издание какво што неговите фанови не години наназад. Ѓоковиќ беше надигран во секој сегмент од играта, а треба да се напомене дека и 26-годишниот Табило беше многу инспириран и концентриран и апсолутно заслужено ја постигна најголемата победа во кариерата.
Оваа победа ќе му донесе место меѓу најдобрите 30 играчи на АТП листата. Исто така, ова беше прва победа на Табило над тенисер од Топ 10.
Табило во четвртото коло ќе игра против Карен Хачанов.