Свет
Иран го деноминира ријалот, брише четири нули
Иранскиот парламент донесе закон со кој ќе се избришат четири нули од националната валута ријал, јавуваат иранските државни медиуми.
Деноминацијата на ријалот доаѓа по нагло опаѓање на вредноста на иранската валута, за што влијаеше и обновувањето на американските санкции врз Техеран, пренесе „Ројтерс“.
Иранската национална валута ќе биде преименувана од ријал во томан, чија номинална вредност се поранешни 10.000 ријали. Пратениците донесоа закон за отстранување на четири нули од националната валута.
Иранската државна телевизија соопшти дека ќе бидат потребни две години за Централната банка на Иран да ја спроведе во пракса замената на валутата во томан.
Идејата за отстранување на четири нули е во оптек од 2008 година, а е заживеана од 2018 година, кога американскиот претседател, Доналд Трамп, одлучи дека САД треба да се повлечат од меѓународниот договор за иранската нуклеарна програма, постигнат три години порано и повторно да воведат санкции за Техеран.
Потоа, ријалот изгуби повеќе од 60 проценти од својата вредност.
Иранската валута се тргуваше на црниот пазар на ниво од околу 156.000 ријали за еден долар, покажуваат податоците на веб-страниците кои го следат тргувањето со девизи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.