Регион
Грчките функционери ја намалуваат можноста од предвремени избори
Функционери од грчката влада ги намалија во саботата можностите да се одржат предвремени парламентарни избори со коишто би се решил спорот со меѓународните кредитори, ден откако премиерот Алексис Ципрас го отфрли најновиот предлог. на доверителите по принципот „пари за реформи“.
Владејачката коалиција на радикалната левица Сириза, предупредија претходно седмицава дека на Грција ѝ се закануваат предвремени избори доколку меѓународните доверители не ги ублажат барањата за исплатата на последната транша, која е стопирана повеќе од една година,од сегашната програма за странска финансиска помош во висина од 7,2 милијарди евра кои ќе ѝ овозможат на земјата да ги испати ратите од кредитот кон ММФ и да ги избегне банкротот.
Премиерот Алексис Ципрас не споменуваше во остриот говор пред парламентот во петокот кога предлогот на доверителите го оцени како „апсурден“ и истакна дека не може да го прифати, како и оти се надева дека тој ќе биде повлечен.
Двајца министри во саботата рекоа дена не гледаат причина за одржување на предвремени парламентарни избори, а и анкетите покажуваат дека Грците не се наклонети по само шест месеци да излезат на избирачките места, откако Сириза ја освои власта со ветувањето дека ќе ги укине жестоките и непопуларни мерки за штедење.
„Нема причина за избори. Убеден сум дека договорот ќе биде постигнат, реле министерот за здравство Папајотис Курублис во телевизиско интервју. Министерот за енергетика, Панајотис Лафазанис, париски радикал близок на премиерот Ципрас, исто така, ја отфрли таквата можност во разговорот за неделникот Агора, велејќи дека владата веќе има мандат за целосно спроведување на својата програма.
Сите претставници на владата којашто ја сочинуваат радикалните леви сили и малата националистичка партија Независни Грци, во петокот изјавија дека Атина не може да ги прифати последните предлози за реформите кои меѓународните доверители ги поставуваат како услов за исплатата на последната транша од заемот од 240 милијарди евра.
Меѓународниот монетарен фонд (ММФ) ѝ одобри на Грција во четвртокот сите четири рати од кредитот кои доспеваат за наплата до крајот на јуни, а првата требаше да биде платена во петокот, во една која ќе биде исплатена на 30-ти јуни, во вкупна сума од 1,6 милијарди евра.
Условите кои и бараат меѓународните доверител ММФ и ЕУ од Грција е намалување на сумата пензиите за 1-процент од бруто домашен производ (БДП) и зголемување на двете стапки од данокот за додадена вредност (ДДВ) за да се зголеми приходот за 1,8 милијарди евра, укинување на помошта за лицата со најниски пензии до крајот на 2015 година со што и се заштедиле околу 800 милиони евра, потоа намалување н субвенциите за гориво, зголемување на придонесот на граѓаните за здравственото осигурување и приватизацијата на големите компании во државна сопственост.
Меѓутоа Сириза којашто победи на предвремените парламентарни избори 25-ти јануари ветуваше дека пензионерите повеќе нема да ги намалува, дека ќе ги врати колективните преговарачки права и минималната плата на нивото од пред почетокот на кризата пред речиси осум години.
Грција должи во моментов околу 320 милијарди евра, од кои околу 65 отсто на ММФ и земјите од еврозоната, а 8,7 отсто на Европската централна банка./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.