Црна хроника
Трипати го застрелал поради вербална расправија
Дваесетгодишник во Скопје во средата со три куршума застрелал сограѓанин со кого претходно имал караница.
Инцидентот се случил во саботата навечер околу 19 часот на улицата „Ѓорѓи Поп Христов“, а ранетиот е хоспитализиран во Градската општа болница Скопје, со три рани од огнено оружје, но е надвор од животна опасност.
Како што известува Министерството за внатрешни работи, по добиените информации од полициската станица Чаир на чијашто територија се одиграл инцидентот, синоќа триесетгодишник со иницијали Ј.Е. и една година помладиот Т.В додека се шетале се сретнале со лице за коешто го знаеле само по прекарот Ѕуки. Со кого претходно во саботата Ј.Е. имал вербална расправија.
Неидентификуваниот чија возраст се проценува на околу 20 години, извадил пиштол за да ги расчисти сметките со Ј.Е по нивната караница и почнал да пука. Нападнатиот почнал да бега, но од седум до осумте истрели што ги упатил кон него напаѓачот, три го погодиле, од што се здобил со две устрелни рани во потколеницата и во задникот и една прострелна во задникот.
Од полициската станица Чаир се преземаат мерки за приведување на напаѓачот./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Црна хроника
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Црна хроника
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.