Црна хроника
Обвинетите во Монструм пред убиството го разгледувале теренот околу Смилковското езеро
![](https://makfax.com.mk/wp-content/uploads/2016/11/63586099-909a-4f47-8f46-692529134515.jpeg)
Обвинетите за петкратното убиство кај Смилковското езеро неколку дена пред убиството секој ден го разгледувале теренот кај езерото, стои во обвинението за овој случај, кое во четвртокот беше прочитано на почетокот на судењето.
Регистрирале колку лица, од која националност и на која возраст доаѓаат на ова место и кога го напуштаат.
Според обвинителниот акт, обвинетите Фејзи Азири, Алил Демири, Сејди Рами, Африм и Агим Исмаиловиќ на почетокот од 2012 година за да предизвикаат чувство на несигурност и страв кај граѓаните се договориле да убијат повеќе лица од македонска националност кај Смилковско езеро, кое било под концесија на Фејзи Азири.
На 12-ти април од 19.40 до 19.50 часот Алил Демири со пиштол и браќата Африм и Агим Исмаиловиќ со автоматски пушки на свиреп начин ги убиле четирите момчиња и рибарот на растојание од 1,5 метри. Демири испукал осум проектили, а браќата Исмаиловиќ 13 проектили кон момчињата.
Потоа браќата испукале уште пет проектили кон рибарот додека бегал кон неговиот автомобил.
По злосторството, како што пишува во обвинението, Африм Исмаиловиќ и Алил Демири со уште две други непознати лица избегале со автомобил „опел омега“ со темно црвена боја, а Агим избегал со друг автомобил со други непознати лица. Алил и Африм се преместиле во автомобилот на Хаки Азири кој ги чекал и заминале кај него дома.
Сејди Рами и Фејзи Азири стоеле зад организацијата и логистиката на убиството.
Сејди Рами контактирал со лица кои биле на местото на настанот како логистика за брзо и ефективно извршување на убиството, а по убиството отишол кон фармата на обвинетиот Фејзи Азири во скопското село Белимбегово.
Фејзи Азири, пак, на 26 -ти април неколку дена откако е издадена наредба за следење на обвинетите, им помогнал на Алил Демири и Африм Исмаиловиќ да избегаат на Косово. Со автомобил ги однел на местото Кодра фура, во близина на границата на Македонија со Косово, од каде обвинетите ги презеле Ардиан Н. и Исо Н.
Хаки Азири кој беше заштитен сведок, но на свое барање се откажа од овој статус, е обвинет за помагање, бидејќи по злосторството ги пренел Алил Демири и Африм Исмаиловиќ во својот дом.
Пред истражен судија никој од обвинетите не кажале ништо, единствено негирале дека го сториле делото за кое се обвинети, освен Хаки Азири.
Хаки со својот автомобил ги чекал обвинетите на обиколницата кај Качанички пат околу 20 часот. Африм Исмаиловиќ и Алил Демири излегле од црвениот „опел“ и влегле во неговиот автомобил. Му кажале дека убиле човек и му рекле да ги одведе во неговиот дом.
Утрово почна судскиот процес за овој случај, но се одложи откако адвокатите побараа обвинетите да направат увид во доказниот материјал.
Во убиството коешто се случи на 12-ти април без причина беа убиени матурантите Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски./крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
При претрес во Охрид пронајдена дрога, приведени две лица
![](https://makfax.com.mk/wp-content/uploads/2024/01/ohrid-ezero.jpg)
Двајца скопјани се приведени во Охрид откако кај нив била пронајдена дрога.
„На 06.07.2024 во 02.35 часот во СВР Охрид се лишени од слобода В.Н.(25) и А.Т.(22), двајцата од Скопје.
При преглед кај нив била пронајдена марихуана, а при претрес извршен по добиена судска наредба во камп приколка во Охрид, што ја користел А.Т., полициските службеници пронајдоа и одзедоа марихуана, грендер и други предмети со остатоци од марихуана“, информира МВР.
По целосно документирање на настанот, против нив ќе биде поднесена соодветна пријава.
Црна хроника
Претрес во Кочани: пронајдена дрога, приведен дилер
![](https://makfax.com.mk/wp-content/uploads/2022/11/privedeni-960x641.jpg)
26-годишен кочанчанец е приведен откако по претрес во неговиот дом е пронајдена дрога.
„На 05.07.2024 во 21.30 часот во Кочани, полициски службеници од ОВР Кочани го лишиле од слобода А.Ј.(26) од Кочани, затоа што при претрес во неговиот дом извршен со судска наредба кај него биле пронајдени и одземени марихуана, бела прашкаста материја и пари“, информираат од МВР.
По целосно расчистување на случајот против него ќе следува соодветен поднесок.
Црна хроника
Кривични против пет малолетници од Скопје за „разбојништво во обид“
![](https://makfax.com.mk/wp-content/uploads/2017/04/gradski-park.jpg)
СВР Скопје поднесе кривична пријава против пет малолетници од Скопје, поради постоење основи на сомнение за сторено кривично дело „разбојништво во обид“, извести МВР.
„На 28.02.2024 во Градскиот парк во Скопје, пријавените му побарале пари на Ф.П.А. и се обиделе насилно да му го одземат паричникот“, соопшти МВР.