Европа
Велика Британија објави план за oлеснување на мерките во три фази, компаниите ќе се отвораат во јули
Велика Британија објави план од три чекори за заздравување од кризата предизвикана од пандемијата на коронавирус.
Според британската влада, првото олеснување на мерките почнува в среда, по што ќе следат понатамошните фази од 1 јуни и 4 јули, во зависност од епидемиолошката состојба во земјата.
Три чекори
Фаза 1: Од среда, на граѓаните ќе им биде дозволено да го напуштат домот за рекреација и забава со членовите на нивното домаќинство, а дозволено е секој да се сретне со само уште едно лице надвор од домаќинството. Вработените кои не можат да работат од дома, можат да патуваат на работа, во идеален случај со автомобил, наместо со јавен превоз.
Фаза 2: Велика Британија има намера да дозволи отворање на сите продавници од 1 јуни со задолжително почитување на социјалното дистанцирање. Од тој датум, би можеле да се отворат некои училишта во кои престојуваат поголем број деца.
Фаза 3: По 4 јули, доколку нема значителен пораст на нови случаи, можно е да се отворат сите компании во Велика Британија.
„Точниот распоред на ублажување на мерките ќе зависи од ризикот од инфекцијата и ефективноста на владините мерки, како што се лоцирање на контактите и спречување на ширење на пандемијата. Првично, интервалот помеѓу чекорите ќе трае неколку недели за да се овозможи доволно време за да се следат случувањата“, соопшти владата.
Премиерот Борис Џонсон денеска ќе ги објави деталите за планот за рестартирање на економијата, откако претходно вчера претстави конфузен нацрт на тој план.
Обраќајќи се до нацијата, Џонсон вчера рече дека карантинот нема да се укине, но охрабрува дел од населението да се врати на работа, иако премиерите на Шкотска, Велс и Северна Ирска ги повикаа граѓаните да се придржуваат кон постојните одредби да не излегуваат од дома.
„Не е време едноставно само да го укинеме карантинот“, рече Џонсон во неделата вечерта.
„Оние кои не можат да работат од дома, како што се градежните и фабричките работници, треба активно да бидат охрабрени да се вратат на работа“, додаде тој.
Џонсон рече дека физичката активност ќе биде дозволена, некои фабрички работници ќе можат да се вратат на работа, додека училиштата делумно ќе се отворат во јуни.
Владата ќе објави 50 страници детални упатства. Министерот за надворешни работи, Доминик Рааб, рече дека некои работници би можеле да се вратат на работа в среда.
Обидот на Џонсон да ги претстави насоките за ублажување на мерките предизвика несогласување помеѓу конститутивните делови на Велика Британија и критики од опозициските партии, кои тврдат дека упатствата се збунувачки за јавноста.
Пораката на Џонсон ја исмејуваше комичарот Мет Лукас во кратко видео објавено на Твитер.
„Значи, ви велиме да не одите на работа, да одите на работа, да не одете со јавен превоз, одете на работа, не одете на работа“, рече Лукас во видеото што заработи повеќе од 100.000 лајкови.
„Ако можете да работите од дома, одете на работа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Европа
(Видео) Зеленски во Шведска: Само заедно можеме да го запреме лудилото од Москва
Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, бидејќи бара дополнителна воена поддршка од Западот во војната против Русија.
Соопштението доаѓа додека западните земји дебатираат дали да и дозволат на Украина да користи западно оружје за да нападне воени цели во Русија, поддржувајќи офанзива врз североисточниот украински град Харков.
„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.
Зеленски рече дека ќе потпише билатерални договори и со Норвешка и Исланд.
Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.
Сите нордиски земји, кои цврсто ја поддржуваат Украина, се членки на НАТО.
„Постојано се повторува, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.
„Ова е причината зошто поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.
Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.
Данска и Финска веќе потпишаа 10-годишни безбедносни договори со Украина во февруари и април, соодветно.
Европа
Едногодишно бебе паднало низ прозорец во Австрија: „Се обиде да се држи за саксија“
Едногодишно Ддтенце паднало од прозорец на станбена зграда во Отакринг, Австрија и се здобило со сериозни повреди на главата.
18-месечното бебе паднало од прозорец во четвртокот околу 20 часот додека родителите биле во другата соба, зафатени со другото бебе, јавуваат австриските медиуми.
„Се качи преку трпезариската маса на прозорецот од кујната и се лизна надолу“, раскажува сведок.
Како што објаснил, детето се обидело да се потпре на саксија што стоела на прозорецот.
Меѓутоа, бидејќи саксијата не била соодветно потпрена, се превртела и паднала, а момчето паднало по неа.
Малото момче се здобило со сериозни повреди на главата поради што е хоспитализирано и сместено на одделението за интензивна нега.
Според првичните информации, неговиот живот не е во животна опасност.
Австриската полиција ги приведе родителите поради сомнение дека од небрежност му нанеле телесни повреди на нивниот син.