Вести
НАТО го демантира Кери и не гледа повлекување на руската војска од границата

НАТО не утврди дека е спроведено позначително повлекување на руските војници кое би ја потврдила наредбата на рускиот претседател Владимир Путин за повлекување на 17.600 руски војници од украинската граница во нивните бази, изјави во четвртокот воен функционер на Алијансата, со што го демантираше американскиот државен секретар Џон Кери кој во вторникот изјави дека руските единици се повлекуваат од пограничните области со Украина.
„Би сакале да можеме да го поздравиме повлекувањето на руските војници со границата кон Украина, бидејќи тоа би бил чекор во добра насока, Но засега не забележавме поголемо и позначително движење“, изјавил неименуван функционер на НАТО за AFP.Руските единици се повлекуваат од Украина и од пограничните области, изјави во вторникот американскиот државен секретар Џон Кери по разговорите во француската престолнина Париз со шефот на руската дипломатија Сергеј Лавров, нагласувајќи дека станува збор за еден од критериумите за укинување на санкциите.„Единиците се повлекуваат, тешката опрема мора да биде повлечена и границата треба да се контролира и да се осигури“, изјави американскиот државен секретар Џон Кери, откако во саботата навечер рускиот претседател Владимир Путин нареди повлекување на руските воени единици со 17.500 војници кои во областите Ростов на Дон близу границата со Украина одржуваа редовни летни воени вежби да се повлечат во своите постојани бази.Според НАТО најмалку 20.000, а понекогаш тие тврдења се движеа до над 40.000 руски војници во состав на силно вооружени и елитни единици од сите родови, кои од летото биле распоредени по должината на границата со украинската област Донбас каде од април се води војна меѓу силите лојални на прозападната власт во Киев и проруските бунтовници од источните рускојазични региони. Москва упорно тврди дека нејзини единици не ја минале границата со Украина, како и дека нејзините сили одржуваат редовни маневри во близина на границата поради воената состојба во соседната земја, и бара своите обвинувања САД, НАТО и ЕУ да ги аргументираат со докази./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.