„На лагите на Министерката за образование и наука Весна Јанеска им нема крај. Не е точно дека платите на Универзитетскте професори оваа Влада ги има зголемено за 14%. Зголемувањето на платите на професорите во Високото образование се резултат на заложбите и законските решенија донесени во време на СДСМ“, велат од СДСМ.

„Ова покачување на платите на Универзитетските професори е резулатат за измената на Законот за високо образование со која се регулираше коефициентот за исплата на плата на вработените во јавните високообразовани установи односно усогласување на висината на платата со зголемувањето на минималната плата и животните трошоци. Со вакавата измена, СДСМ овозможи континуиран раст на платите на Универзитетските професори“, посочуваат од СДСМ и додаваат:

„Ја повикуваме Министерката за образование и наука Весна Јанеска да ја запознае јавноста што сработи во перидот од нејзиното именување до денеска, освен што се фали со проектите и решенијата донесени од СДСМ прикажувајќи ги како свои?!Универзитетските професори, наставничката фела е двигателот на ова општество и знаат кој работел и придонел за подбрување на нивниот статус и мотивираност а тоа не е ДПМНЕ ниту Јаневска“.

Според ВМРО-ДПМНЕ, СДС имаа 7 години власт да ги покачат платите, наместо тоа ја качија инфлацијата на двоцифрена и испумпаа милиони од буџетот.

„СДС ја отвори спиралата на зголемени цени и го плафонираше јавниот долг. Со години СДС не спроведе ниту една политика која ќе донесе раст и развој на економијата, напротив како држава на економски план бевме во слободен пад. Предлогот што сега го предлагаат можеа да го спроведат, но наместо тоа се фокусираа на испумпување на милиони од буџетот. Доколку сега се реализира нивниот предлог тоа ќе значи крах на Фондот, затоа што украдоа се што можеше“.

ВМРО-ДПМНЕ, како што додаваат од владејачката партија ја менува сликата за Македонија, платите реално почнаа да растат, се покачија пензиите, економијата се развива.

Денес во втора посета на општина Битола се претставници на компанија од Словенија со експерти од Франција и Србија кои се во увид на лице место за проектот за изработка на физибилити студија за проект за гондола.

Се работи, како што соопшти организаторот, за врвни експерти од оваа област кои имаат искуство во изработка на физибилити студии и изградба на гондоли и жичари.

Според соопштеното истите имаат изведно проекти во Србија на Копаоник и неколку европски земји.

Експертите ги придружуваа Претседателот на комисијата за туризам Бојан Бојкоски, советниците Иван Чулакоски, Елена Кромидаровска Маховска и Методија Илиевски. Исто така, во посетата ги придружуваше и директорот на хотел Молика Горан Исков. Од увидот на планината, експертите беа воодушевени од природните убавини на Пелистер. Периодот кој следува треба да се подготви проектната програма за физибилити студијата која ќе ја дефинира трасата и финансиска конструкција на проектот.